ბექა დავითულიანი - მმართველი გუნდი საკონსტიტუციო ცვლილებებს ოპოზიციის მხარდაჭერის გარეშე ვერ განახორციელებს, ამიტომ მათ საკუთარი მოსაზრების დაფიქსირება მოუწევთ

უმრავლესობამ შეიმუშავა საკანონმდებლო ცვლილებები, მათ შორის, ისეთი პუნქტების გათვალისწინებით, რომელსაც სჭირდება საკონსტიტუციო ცვლილებები, შესაბამისად, ოპოზიციას მოუწევს დააფიქსიროს თავისი მოსაზრება და ჩაერთოს ამ პროცესში, ან პირდაპირ თქვას, რომ არ ემხრობა ამას, - ამის შესახებ საპარლამენტო უმრავლესობის დეპუტატმა, ბექა დავითულიანმა "ქართული ოცნების" ინიციატივაზე საუბრისას განაცხადა, რომელიც "ოჯახურ ღირებულებათა შესახებ" საკონსტიტუციო ცვლილებებს აინიცირებს.

მისივე თქმით, მმართველი გუნდი საკონსტიტუციო ცვლილებებს ოპოზიციის მხარდაჭერის გარეშე ვერ განახორციელებს, ამიტომ მათ საკუთარი მოსაზრების დაფიქსირება მოუწევთ.

როგორც დავითულიანმა განმარტა, აღნიშნული კანონპროექტი მიმართულია ერთი მხრივ, მომავალი თაობების პროპაგანდისგან დაცვისკენ, მეორე მხრივ ეს ცვლილებები ადამიანის უფლებების დაცვის გარანტიით უნდა განხორციელდეს.

"ვხედავთ, რომ რიგ ქვეყნებში ხდება ხელოვნური პედალირება ამ საკითხებზე, ეს პროპაგანდა სკოლებში შედის და რთულდება მდგომარეობა, რაც ხლეჩს საზოგადოებას. ჩვენი ამოცანაა, რომ ადამიანები, ვისაც განსხვავებული სექსუალური იდენტობა აქვს, იყვნენ აბსოლუტურად დაცულები და თავისუფლები ამ ქვეყანაში, მაგრამ მეორე მხრივ, არ ხდებოდეს შეჭრა სკოლებში ისეთი უხეში ფორმებით, როგორითაც ხდება ზოგიერთ ქვეყანაში. ამიტომ ჩვენ დავაინიცირეთ იმ ტიპის ცვლილებები, რომელშიც ოპოზიციას მოუწევს მონაწილეობა, იმიტომ, რომ მხოლოდ უმრავლესობის ხმები არ ეყოფა. საკონსტიტუციო ცვლილებს ჩვენ ვერ განვახორციელებთ მათ გარეშე," - განაცხადა დავითულიანმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო