ევროპის უნივერსიტეტის მედიცინის და სტომატოლოგიის ფაკულტეტის აკადემიური და მოწვეული პერსონალისათვის სწავლების და შეფასების თანამედროვე მეთოდებში ტრენინგები ჩატარდა.

ევროპის უნივერსიტეტის ცნობით, ტრენინგები 2-6 აპრილის პერიოდში მიმდინარეობდა და მას დიდი ბრიტანეთის სვონსის უნივერსიტეტის პროფესორი, სამედიცინო განათლების ექსპერტი სტივენ ქეიპი უძღვებოდა.

მათივე ცნობით, პროფესორმა სტივენ ქეიპიმ ევროპის უნივერსიტეტის ლექტორებს დიდი ბრიტანეთის წამყვანი სამედიცინო სკოლების საუკეთესო პრაქტიკა და სამედიცინო განათლების უახლესი მიდგომები გააცნო.