დარწმუნებით შეიძლება ვთქვათ, რომ ამ ["უცხოური გავლენის გამჭვირვალობის შესახებ"] კანონის მიღების შემთხვევაში საქართველოსთვის ევროკავშირის კარი დაიხურება, - ამის შესახებ „ევროოპტიმისტების“ დეპუტატმა, რომან გოცირიძემ ბიუროს სხდომის დაწყებამდე განაცხადა.

მისივე თქმით, ამ კანონის მიღების შემთხვევაში, ქართველმა ხალხმა ხელისუფლება არჩევნებზე უნდა დასაჯოს.

„ქართული ოცნებისთვის“ მთავარია ძალაუფლების შენარჩუნება და არა ქვეყანაზე და მის განვითარებაზე ზრუნვა. ძალიან დიდი პოლიტიკური ფასი უნდა დაუჯდეს "ქართულ ოცნებას". ქართველმა ხალხმა, რომელსაც ამ ხელისუფლებამ უღალატა, იგი უნდა დასაჯოს არჩევნებზე და ეს ხელისუფლება პოლიტიკურ სანაგვეზე უნდა გაისტუმროს,“ - განაცხადა გოცირიძემ.