გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის

ტექნოლოგიებში ქალთა როლის გაძლიერების ხელშეწყობის მიზნით, ბიზნესისა და ტექნოლოგიების უნივერსიტეტი უპრეცედენტო მასშტაბის პროექტს - “კოდინგის სკოლა 1500 ქალისთვის” ახორციელებს. პროექტის ფარგლებში გადამზადებული პირველი ნაკადის ბენეფიციარების დასაქმების პროცესი აქტიურ ფაზაშია. ისინი სხვადასხვა მიმართულების მცირე თუ მსხვილ კომპანიაში წარმატებით საქმდებიან და კარიერულ წინსვლასაც განიცდიან.

პროექტის ბენეფიციარების დამსაქმებელ კომპანიებს შორის ერთ-ერთია „გრინვეი საქართველო“, რომელიც ტექინსპექტირების სფეროში ლიდერი კომპანიაა და მთელი საქართველოს მასშტაბით 30-ზე მეტი ფილიალით არის წარმოდგენილი. კომპანია 300-მდე ადამიანს ასაქმებს.

„გრინვეი” დაარსების დღიდან აძლევს განვითარების თანაბარ შესაძლებლობებს ყველას, ვისაც ტექინსპექტირების სფეროში მუშაობა სურს. ჩვენ გვყავს 4 ქალი ინსპექტორი, რომლებმაც გაიარეს გადამზადება „გრინვეი აკადემიაში“ და დღეს წარმატებით მუშაობენ ჩვენს სხვადასხვა ფილიალში. აღსანიშნავია, რომ „გრინვეის“ მენეჯმენტის 60% ქალები არიან და ისინი დიდ როლს ასრულებენ კომპანიის არაერთი სტრატეგიული პროექტის წარმატებით განხორციელებაში. ამ ეტაპზე „გრინვეიში“ სხვადასხვა წამყვან პოზიციებზე დასაქმებულია 50-მდე ქალი. ჩვენთვის ყველა პროექტი, რომელიც ქალების გაძლიერებას ეხება მისასალმებელია. მოხარულები ვართ, რომ BTU-ს პროექტის „კოდინგის სკოლა 1500 ქალისთვის“ ერთ-ერთი ბენეფიციარი ჩვენი მარკეტინგის გუნდშია დასაქმებული,“ - აღნიშნავს „გრინვეი საქართველოს“ დირექტორი ვახტანგ ებიტაშვილი.

პროექტ „კოდინგის სკოლა 1500 ქალის’’ მიზანია ქალთა ეკონომიკური გაძლიერება, მათი ტექნოლოგიებში ჩართულობის უზრუნველყოფა და გადამზადების შემდგომი დასაქმების პროცესში მხარდაჭერაა.

გრინვეის მსგავსად, სხვადასხვა სექტორის წარმომადგენელ კომპანიებს, თბილისში და რეგიონებში შესაძლებლობა აქვთ, დაამსხვრიონ სტერეოტიპები და დაასაქმონ ქალები დამწყებ პოზიციაზე მოკლევადიანი და/ან გრძელვადიანი თანამშრომლობით, ადგილზე ან დისტანციურად შემდეგი მიმართულებებით: Front-End დეველოპმენტი, Back-End დეველოპმენტი, UI/UX დიზაინი, გრაფიკული დიზაინი, ციფრული მარკეტინგი, ციფრული პროდუქტების ტესტირება. დაინტერესებულმა კომპანიებმა შეავსეთ სარეგისტრაციო ფორმა, გახდით პროექტის ოფიციალური პარტნიორი და ჩაერთეთ ტექნოლოგიების სფეროში ქალთა გაძლიერების მნიშვნელოვან ინიციატივაში!

(R)

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა