აშშ-სა და ისრაელის თავდაცვის მინისტრებმა, ლოიდ ოსტინმა და იოავ გალანტმა სატელეფონო საუბრის დროს ირანის მიერ ისრაელის წინააღმდეგ 13 აპრილს განხორციელებული უპრეცედენტო თავდასხმის შედეგები განიხილეს, რომელიც აშშ-მა, ისრაელმა და პარტნიორმა ძალებმა ერთობლივი თავდაცვითი ოპერაციის შედეგად აღკვეთეს, - ინფორმაციას პენტაგონი ავრცელებს.

აშშ-ის თავდაცვის უწყების ცნობით, ლოიდ ოსტინმა გაიმეორა, რომ შეერთებული შტატები მტკიცედ უჭერს მხარს ისრაელის თავდაცვას და კიდევ ერთხელ დაადასტურა რეგიონული სტაბილურობის სტრატეგიული მიზანი.