როგორც ჩართულ მიკროფონზე ამტკიცებდით, რომ მიკროფონი ჩართული არ იყო, ასე ამტკიცებთ ქართულ კანონზე, რომ რუსულია, - ასე გამოეხმაურა პარლამენტის თავმჯდომარე შალვა პაპუაშვილი "ლელოს" დეპუტატის ანა ნაცვლიშვილის შენიშვნას, რომ მისი მიკროფონი პარლამენტში გამოსვლის დროს ჩართული არ იყო.

„დაზუსტებისთვის, მიკროფონი მთელი ეს 15 წუთი იყო ჩართული, შეგიძლიათ შემდეგ ეთერში გადაამოწმოთ. აი, თქვენს წინ რომ მიკროფონი იყო ჩართული და ჩართულ მიკროფონზე ამტკიცებდით, რომ მიკროფონი ჩართული არ იყო, ასე ამტკიცებთ ქართულ კანონზე, რომ რუსულია“, - აღნიშნა პაპუაშვილმა.