გიორგი ვაშაძე - მარტო ჩაიკეტნენ იმისთვის, რომ აღასრულონ მოღალატეობრივი აქტი, რომელიც ივანიშვილმა დაავალა! - ერი და ბერი ერთიანია, ყველა აქციაზე!

მარტო ჩაიკეტნენ იმისთვის, რომ აღასრულონ მოღალატეობრივი აქტი, რომელიც ივანიშვილმა დაავალა! - ერი და ბერი ერთიანია, ყველა აქციაზე! - ამის შესახებ „სტრატეგია აღმაშენებლის“ ლიდერმა, გიორგი ვაშაძემ ჟურნალისტებთან მას შემდეგ განაცხადა, როდესაც პარლამენტის თავმჯდომარემ, შალვა პაპუაშვილმა, მას სხდომათა დარბაზი დაატოვებინა.

როგორც მან ჟურნალისტებთან აღნიშნა, „ბოლო წუთები დარჩა რეჟიმს, რომელსაც უნდა ბიძინას სამეფოდ აქციოს ეს ქვეყანა“.

„ბიძინას დასასრული მოვიდა. ხალხი, ერი, ბერი ერთიანია. ჩვენ ყველამ ერთად უნდა გავიმარჯოთ. მარტო ჩაიკეტნენ იმისთვის, რომ აღასრულონ მოღალატეობრივი აქტი, რომელიც ივანიშვილმა დაავალა! საქართველოში ავტორიტარიზმი არასდროს იქნება, თავისუფალ, ქართველ ერს ვერავინ დაუპირისპირდება. ჩვენს ერთიანობას ეს ნაძირალები, მოღალატეები ვერასდროს გახლეჩენ. ერი და ბერი ერთიანია, ყველა აქციაზე! ხალხო, ბოლო წუთები დარჩა რეჟიმს, რომელსაც უნდა ბიძინას სამეფოდ აქციოს ეს ქვეყანა. ჩვენ ევროპული პერსპექტივა გვინდა“,-აღნიშნა ვაშაძემ.

ცნობისთვის, პარლამენტის პლენარული სხდომაზე, სადაც დეპუტატები „უცხოური გავლენის გამჭვირვალობის შესახებ“ კანონპროექტს პირველი მოსმენით იხილავენ, უმრავლესობისა და ოპოზიციის წევრების დაპირისპირების გამო დროებით შეწყდა და ტექნიკური შესვენება გამოცხადდა.

პარლამენტის თავმჯდომარემ, შალვა პაპუაშვილმა, „ნაციონალური მოძრაობის“ თავმჯდომარეს, ლევან ხაბეიშვილსა და „სტრატეგია აღმაშენებლის“ ლიდერს, გიორგი ვაშაძეს სხდომათა დარბაზი დაატოვებინა. ასევე, სასესიო დარბაზიდან გააძევა ფრაქცია „ნაციონალური მოძრაობის“ თავმჯდომარე თინა ბოკუჩავა და „ლელოს“ დეპუტატი ანა ნაცვლიშვილი.

უმრავლესობის წევრების გამოსვლისას ოპოზიციონერი დეპუტატები სკანდირებდნენ „არა, რუსულ კანონს!“ „ყველა არის ქვეყნის მოღალატე“; „პასუხს აგებთ!“ ისინი ასევე, პროტესტს მაგიდაზე ხელისა და წიგნის დაბრახუნებით გამოხატავდნენ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე