Gori Mural Fest-ის ფარგლებში, გორის მთავარ გამზირზე სტრიტარტები დაიხატა.

გორის მერიის ინფორმაციით, კორპუსის ფასადზე ორი სტრიტარტი Tbilisi MURAL Fest-ის მხატვრებმა ბესიკ მაზიაშვილმა, დავით სამხარაძემ და თინათინ წოწოლაშვილმა შეასრულეს.

მათივე ცნობით, კორპუსის სამხრეთ ფასადზე დაიხატა ქართული სუფრა, რომელიც "ლურჯი სუფრის" სახელითაა ცნობილი.

„ნახატზე გამოყენებულია გორის ეთნოგრაფიულ მუზეუმში დაცული სუფრის ორნამენტები.

ჩრდილოეთ ფასადზე გორში დაბადებული ცნობილი ქართველი ფილოსოფოსის მერაბ მამარდაშვილის პორტრეტი განთავსდა.

ინიციატივის მიზანი ქუჩის ხელოვნების პოპულარიზაცია, ქალაქში არსებული ფასადებისთვის საინტერესო იერსახის მიცემა და ტურისტებისთვის მიმზიდველი ახალი ადგილების შექმნაა“, - აღნიშნულია ინფორმაციაში.