ქალაქ ქუთაისში, „აია არენაზე“, პირველი ლიგის ნახევარფინალურ მატჩში, თბილისის „არმიამ“ წყალტუბოს „დინოზავრებთან“ ანგარიშით 56:22 გაიმარჯვა.

ვეტერანების საქმეთა სახელმწიფო სამსახურის ინფორმაციით, ამ გამარჯვებით, გუნდმა, დიდი ფინალის საგზური მოიპოვა, რომელიც ავჭალის რაგბის სტადიონზე, 28 აპრილს, 14:00 საათზე გაიმართება.

მათივე ცნობით, ფინალში „არმია“ სამცხე-ჯავახეთის „ტაოს“ შეერკინება. გამარჯვებული გუნდი „დიდი 10-ის“ საგზურს მოიპოვებს.

„არმიის“ თამაშს, ვეტერანების საქმეთა სახელმწიფო სამსახურის დირექტორი გენერალ-მაიორი, კობა კობალაძე, დირექტორის პირველი მოადგილე, ნიკოლოზ კვეზერელი, მოადგილეები - მირონ ჩიგოგიძე, ჯანდრი უბირია, დირექტორის მრჩეველი ვლადიმერ იმნაძე, სამსახურის რეგიონული მართვის დეპარტამენტის უფროსი, ლევან ამირიძე, სამსახურის წარმომადგენლები და ვეტერანები ესწრებოდნენ.

ვეტერანების საქმეთა სახელმწიფო სამსახური ულოცავს „არმიელებს“ გამარჯვებას და წარმატებებს უსურვებს.

შეგახსენებთ, რაგბის კლუბი „არმია“, ვეტერანების საქმეთა სახელმწიფო სამსახურს, მმართველობაში, 2019 წელს გადმოეცა; 2022 წლის 18 იანვარს კი, თავდაცვის სამინისტრო, კლუბის თანადამფუძნებელი გახდა, რაც, „არმიელებისთვის“ მოტივაციის ასამაღლებლად და მათ წინაშე მდგარი გამოწვევების დასაძლევად, კიდევ ერთი, მნიშვნელოვანი პირობაა“, - აღნიშნულია ინფორმაციაში.