ერაყსა და სირიაში, ამერიკელი სამხედროების წინააღმდეგ სარაკეტო დარტყმები განხორციელდა, - ამის შესახებ ინფორმაციას სააგენტო Reuters-ი ამერიკელ ოფიციალურ პირებზე დაყრდნობით ავრცელებს.

Reuters-ის ცნობით, ბოლო 24 საათის განმავლობაში ერაყსა და სირიაში, ამერიკელი სამხედროების წინააღმდეგ ორი თავდასხმა განხორციელდა.

ერაყში აინ ალ-ასადის საჰაერო ბაზაზე, სადაც ამერიკელი ჯარისკაცები იმყოფებიან თავდასხმა დრონის მეშვეობით მოხდა.

ასევე, კვირას, სირიაში, რუმალინის ბაზის მიმართულებით ჩრდილოეთ ერაყიდან ხუთი რაკეტა გაუშვეს.

დაშავებულების შესახებ ინფორმაცია ჯერჯერობით არ ვრცელდება.