ლილე ლიპარტელიანი საკრებულოს უმრავლესობას - გადაწყვეტილება მივიღე, რომ „რუსული კანონის” მიღების შემთხვევაში აღარ მოგესალმებით - ისე ვატყობ, ეს ჩვენი ბოლო მისალმება იქნება

მე ასეთი გადაწყვეტილება მივიღე, რომ „რუსული კანონის” [მიღების] შემთხვევაში თქვენ აღარ მოგესალმებით. ისე ვატყობ, რომ ეს ჩვენი ბოლო მისალმება იქნება, - ასე მიმართა “ნაციონალური მოძრაობის” წევრმა, ლილე ლიპარტელიანმა თბილისის საკრებულოში სიტყვით გამოსვლისას “ქართული ოცნების” წევრებს.

მისივე შეფასებით, “ქართული ოცნება” საქართველოს მოქალაქეებს “რუსეთში მიაქანებს”.

„ბატონო ირაკლი [ხელაძე], ზურა [აბაშიძე] მართალია, თქვენ სამხედრო ვალდებულებას სამშობლოს წინაშე თავი აარიდეთ და ეკლესიას თავი შეაფარეთ, მაგრამ იქაც ვერაფერი ვერ გისწავლიათ. ეკლესია, პირველ რიგში, საზოგადოებას, ერთობას ნიშნავს. ენა, მამული, სარწმუნოების ქვეშ სად წაიკითხეთ, ამოიკითხეთ, რომ ილია ჭავჭავაძე მართლმადიდებლურ სარწმუნოებას გულისხმობს მხოლოდ და მხოლოდ? რით ხართ აჭარელ მუსლიმებზე, ჩვენს ქართველ ძმებზე უკეთესი, რით ხართ? ბედნიერი ვარ, რომ მართლმადიდებელი ქრისტიანი ვარ, შემიძლია სიყვარული, თანაგრძნობა, გაზიარება, მოყვასის სიყვარული შემიძლია თქვენგან განსხვავებით. სარწმუნოებაზე და მართლმადიდებლობაზე საუბრობთ და ბოღმა და ზიზღი ამოგდით პირიდან. ეს არის თქვენი სარწმუნოება და მართლმადიდებლობა?! სიყვარულია სარწმუნოება”, - განაცხადა ლიპარტელიანმა.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება