ბადრი ჯაფარიძე - ევროკავშირის გაფართოების დირექტორი თავად ესწრება მოვლენებს, რაც ქვეყანაში ხდება, თავად  მიიღებს პირველი წყაროდან ინფორმაციას "ქართული ოცნების" მორიგი საბოტაჟის შესახებ

პარტია "ლელოს" ერთ-ერთი ლიდერის ბადრი ჯაფარიძის განცხადებით, საზოგადოებამ უნდა გაიგოს, რომ თუ ხელისუფლება "უცხოური გავლენის გამჭვირვალობის შესახებ" კანონპროექტს მიიღებს, ქვეყნის ევროკავშირში გაწევრიანების არავითარი შანსი აღარ იქნება.

ამის შესახებ მან ევროკავშირის წარმომადგენლობის ოფისთან ჟურნალისტებს განუცხადა, სადაც ევროკავშირის სამეზობლო და გაფართოების საკითხებზე მოლაპარაკებების გენერალური დირექტორი, ხერტ იან კოოპმანი საპარლამენტო პარტიების წარმომადგენლებს ხვდება.

"ძალიან მნიშვნელოვან დროს არის ჩამოსული ევროკავშირის გაფართოების დირექტორი, თავად ესწრება ამ მოვლენებს, რაც ჩვენს ქვეყანაში ხდება. თვითონ მიიღებს პირველი წყაროდან ინფორმაციას "ქართული ოცნების" მორიგი საბოტაჟის შესახებ. ცხადია, ვისაუბრებთ იმ მოვლენებზე, რომელიც ქვეყანაში მიმდინარეობს. აუცილებელია ჩვენს თანამოქალაქეებს სიმართლე ვუთხრათ - ამ კანონპროექტის მიღების შემდგომ გამოირიცხება ყოველგვარი მოლაპარაკება ევროკავშირში გაწევრიანების შესახებ. ამიტომ, ყველა ჩვენმა თანამოქალაქემ სიმართლე უნდა იცოდეს. "ქართული ოცნების" პროპაგანდამ ვეღარ უნდა შეიყვანოს შეცდომაში ჩვენი თანამოქალაქეები, თითქოს ამ კანონის შემდეგ რჩება რაიმე შანსი, რომ ევროკავშირთან გაწევრიანებაზე მოლაპარაკებები დაიწყოს. არანაირი შანსი არ იქნება გაწევრიანებაზე საუბრის დაწყების, ეს ყველამ უნდა იცოდეს", - განაცხადა ჯაფარიძემ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა