შალვა პაპუაშვილი - გუშინ ვნახეთ, რომ პოლიტიკური უმცირესობის აქცია ძალადობის ახალ დონეზე ავიდა და მოქალაქეებზე ძალადობის ხასიათი მიიღო. ძალადობრივი აქციის მშვიდობიანად შეფასება ახალისებს რადიკალიზმს

საქართველოს კონსტიტუციით პროტესტის მშვიდობიანი ფორმით გამოხატვა უზრუნველყოფილია ყველასთვის. ყველა უნდა ჩაეტიოს მშვიდობიან ფორმაში და ამან არ უნდა მიიღოს ძალადობრივი ფორმა,- ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

მისი განცხადებით, ძალადობრივი პროტესტი არ არის დაცული საქართველოს კონსტიტუციით, ამიტომ, ვისაც სურს, გამოთქვას თავისი პროტესტი თუ მოსაზრება, ამისთვის არსებობს მშვიდობიანი ფორმა.

„აქცია როდესაც არის ძალადობრივი და ხდება მისი შეფასება, თითქოს მშვიდობიანია, ეს ხელს უწყობს და ახალისებს რადიკალიზმს, ძალადობას. ვნახეთ, რომ პირველი დღის შემდეგ, როდესაც იყო მსგავსი განცხადებები, შემდეგ ჯერზე მეტი ძალადობა მოჰყვა. გუშინ იყო მხარდამჭერი განცხადებები და გუშინ საღამოს ვნახეთ, რომ ძალადობრივი აქციები უკვე შემდეგ ეტაპზე გადავიდა. მანამდე ძალადობა თუ გამოხატული იყო პოლიციელების, პარლამენტის შენობის მიმართ და პოლიცია ყველანაირად ცდილობდა, თავშეკავებული ყოფილიყო, გუშინ ვნახეთ, რომ პოლიტიკური უმცირესობის აქცია ძალადობის ახალ დონეზე ავიდა და მოქალაქეებზე ძალადობის ხასიათი მიიღო. გუშინ გადაიკეტა ქალაქის ერთ-ერთი მთავარი არტერია. მოქალაქეებს არა მხოლოდ დისკომფორტი შეექმნათ, არამედ პირდაპირ ეთერში ვუყურებდით, რომ ადამიანებს ესაჭიროებოდათ სამედიცინო დაწესებულებებში მისვლა, ქალებს, ბავშვებს, მოხუცებს სჭირდებოდათ გავლა, მაგრამ არავის ატარებდნენ. ეს უკვე არის პირდაპირ ძალადობა საქართველოს მოქალაქეებზე. შესაბამისად, გარკვეულწილად, სწორედ ეს არის სპირალი, რომელშიც შეჰყავთ, მათ შორის, უცხოელ აქტორებს თავიანთი განცხადებებით, რომლითაც თვალს ხუჭავენ ძალადობაზე, რომელიც ხდება აქციაზე და ამით ახალისებენ მეტ ძალადობას. ზუსტად ეს არის შედეგი ამგვარი განცხადების, რომელიც ახალისებს ძალადობას“, - განაცხადა შალვა პაპუაშვილმა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს