შალვა პაპუაშვილი - ეს არის სწორედ „ნაციონალური მოძრაობის“ ნირი და ხასიათი, ზიზღი, ადამიანის დეჰუმანიზაცია, რის დამკვიდრებასაც ისინი საზოგადოებაში ცდილობენ

ეს არის სწორედ „ნაციონალური მოძრაობის“ ნირი და ხასიათი, ზიზღი, ადამიანის დეჰუმანიზაცია, რის დამკვიდრებასაც ისინი საზოგადოებაში ცდილობენ, - ასე გამოეხმაურა პარლამენტის თავმჯდომარე, შალვა პაპუაშვილი მედიაში გავრცელებულ ფარულ ჩანაწერს.

პაპუაშვილის თქმით, „ერთიანი ნაციონალური მოძრაობა“ ზიზღის ნორმალიზებას ცდილობს, რაშიც ახალგაზრდებს იყოლიებს.

„უკვე ისე ხდება, რომ საერთო ჯამში ეს ზიზღი, რაც „ნაციონალურ მოძრაობაში“ არის ჩაბუდებული, საჯაროდაც კი იმდენი გადმოდის, რომ ასეთი სახის ფარულ, თუ სხვანაირ ინფორმაციებზე, რაც გამოდის, უკვე თითქოს, რეაგირებაც რთულია. ეს არის სწორედ „ნაციონალური მოძრაობის“ ნირი და ხასიათი, ზიზღი, ადამიანის დეჰუმანიზაცია, რის დამკვიდრებასაც ისინი საზოგადოებაში ცდილობენ. ზიზღი სხვა ადამიანების მიმართ და დეჰუმანიზაცია, რაც მათი ლოკალური ნიშანი იყო - უნდათ, ნორმალიზირდეს და ჩვეულებრივი ადამიანები, მოქალაქეები და განსაკუთრებით, ახალგაზრდები ამ ზიზღში ჩაიყოლონ.

სამწუხაროდ, ვხედავთ, ახალგაზრდობა, ან ადამიანები, რომლებიც ჩვეულებრივ ცხოვრებაში რაღაცას არ იკადრებდნენ, დღეს ამას კადრულობენ, იმ მორალური, თუ ეთიკური ურთიერთობის წესების გარკვეულ ზღვარს ლახავენ, რომელიც ქართულ საზოგადოებაში ტრადიციულად არსებობს“, - განაცხადა პაპუაშვილმა.

ცნობისთვის, მედიაში გავრცელდა ფარული აუდიო ჩანაწერი, სადაც საუბარია, რომ სავარაუდოდ, აკაკი მინაშვილი და ნიკა ფარულავა საქართველოს ნაკრების ფეხბურთელებზე საუბრობენ. ასევე, მეორე ჩანაწერში სავარაუდოდ, აკაკი მინაშვილსა და ნიკა ფარულავას ნიკა გვარამიაც უერთდება, რომელიც საქართველოში აშშ-ს ელჩს პაველ ჰერჩინსკის შეურაცხმყოფელი სიტყვებით მოიხსენიებს.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება