პეტრე ცისკარიშვილი - ყველა ბერკეტი უნდა გამოვიყენოთ, რომ საქართველო გადავარჩინოთ ამ რეჟიმის მავნებლური პოლიტიკისგან

აბსოლუტურად დროული აქციაა, რადგან მომავალ კვირაში ორშაბათ-სამშაბათს, მესამე მოსმენით [უცხოური გავლენის გამჭვირვალობის შესახებ კანონის] მიღება იგეგმება, რასაც წინასწარი ინფორმაციით, რა თქმა უნდა, ვეტო მოჰყვება, - ამის შესახებ "ერთიანი ნაციონალური მოძრაობის" გენერალურმა მდივანმა პეტრე ცისკარიშვილმა ჟურნალისტებს რესპუბლიკის მოედანზე განუცხადა, საიდანაც ცოტა ხანში, ევროპის მოედნის მიმართულებით "ევროპის მარში" მოეწყობა.

მისივე თქმით, ევროინტეგრაციის გზაზე შეფერხება არის ის, "რასაც "ოცნების" რეჟიმი ქართველ ხალხს მოუტანს".

"ჩვენ ყველაფერი უნდა გავაკეთოთ, რომ როგორმე ეს რეჟიმი შევაჩეროთ საქართველოს უფსკრულში გადაჩეხისგან, ყველა ინსტრუმენტი, ყველა ბერკეტი უნდა გამოვიყენოთ, რომ საქართველო გადავარჩინოთ ამ რეჟიმის მავნებლური პოლიტიკისგან და იმ გადაწყვეტილებებისგან, რასაც მთელი ამ პერიოდის განმავლობაში ჯიუტად იღებენ და ცდილობენ უკან არ დაიხიონ, რადგან თვლიან, რომ ამაზეა მათი პოლიტიკური ბედი დამოკიდებული. არჩევნებს წააგებენ რუსეთის დავალება რომ არ შეასრულონ, პუტინი გაუბრაზდება, ასევე, ბიძინას დავალება რომ არ შეასრულონ, ბიძინასგან სპეციალურ სანქციებს მიიღებენ, მაგრამ იმას არ თვლიან, რომ სანქციებს დასავლეთი დაუწესებს მათაც და დანარჩენ საქართველოს, ჩვენ ყველას, აღარ ვიქნებით ევროინტეგრაციის გაწევრიანების გზაზე, ეს არის მთავარი სანქცია, რასაც "ოცნების" რეჟიმი ქართველ ხალხს და ქართულ სახელმწიფოს მოუტანს, ეს არის ის უბედურება, რასაც ჩვენ ვებრძვით",- განაცხადა ცისკარიშვილმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)