პარლამენტის თავმჯდომარე შალვა პაპუაშვილი ეუთო-ს დემოკრატიული ინსტიტუტებისა და ადამიანის უფლებების ოფისის (ODIHR) დირექტორ მატეო მეკაჩის შეხვდა.

პარლამენტის პრესსამსახურის ინფორმაციით, შეხვედრაზე საქართველოში მიმდინარე მოვლენები განიხილეს. საუბარი შეეხო “უცხოური გავლენის გამჭვირვალობის შესახებ“ კანონს.

“შეხვედრაზე დადებითად შეფასდა საქართველოსა და ეუთოს შორის თანამშრომლობა. შალვა პაპუაშვილმა მატეო მეკაჩის მადლობა გადაუხადა ეუთო/ოდირის მიერ სხვადასხვა მიმართულებით საქართველოს მხარდაჭერისთვის.

შეხვედრაზე განიხილეს საქართველოში მიმდინარე მოვლენები. საუბარი, ასევე, შეეხო „უცხოური გავლენის გამჭვირვალობის შესახებ“ კანონს. შალვა პაპუაშვილმა ეუთო/ოდირის დირექტორს კანონის მიზანი და შინაარსი გააცნო. მან აგრეთვე კანონთან დაკავშირებული შემდგომი დიალოგისთვის ღიაობა დააფიქსირა“, - ნათქვამია პარლამენტის პრესსამხურის მიერ გავრცელებულ ინფორმაციაში