დავით ჭიჭინაძე - პოლიტიკოსების დასანქცირებას აუცილებლად უნდა მოჰყვეს გარდამავალი დროშასავით ხელისუფლებასთან მოფრიალე ბიზნესმენების დასანქცირებაც

პოლიტიკოსების დასანქცირებას აუცილებლად უნდა მოჰყვეს გარდამავალი დროშასავით ხელისუფლებასთან მოფრიალე ბიზნესმენების დასანქცირებაც - ამის შესახებ პოლიტიკური მოძრაობა „ტრიბუნას“ ლიდერი დავით ჭიჭინაძე აცხადებს.

მისი თქმით, „ბიზნესმენების უდიდესი ნაწილი აქტიურად მონაწილეობდნენ ზვიად გამსახურდიას ეროვნული ხელისუფლების დამხობაში, რისთვისაც შევარდნაძის მთავრობამ ჩაიხუტა და დაასაჩუქრა ქართველი ხალხის ქონებით“.

„ამ ბიზნესმენებს არც სააკაშვილის დროს უგვრძვნიათ უხერხულობა. პირიქით, უფრო მეტი ქონება მიითვისეს და ლამის სახელისუფლო სტრუქტურების წარმონაქმნები გახდნენ.

მოლოდინის მიუხედავად, „ქართული ოცნების“ პირობებში არც სახეები და არც მოცემულობა შეცვლილა.

უფრო მეტიც, დაპირებული სამართლიანობის აღდგენის ნაცვლად მათ გადმოიბარეს და განაგრძეს ქვეყნის და ხალხის ძარცვა.

ამ ორი მონსტრის შეხმატკბილებული საქმიანობის შედეგად კი, სასოწარკვეთილი, იმედდაკარგული, სამშობლოდან გაქცეული მოსახლეობა მივიღეთ.

საქართველოში ამ მოცემულობაში, ბიზნესმენები, რამდენიმე ბიზნესმენის გარდა, ფაქტობრივად თანამდებობის პირები გახდნენ.

სწორედ ამიტომ ეს ბიზნესმენებიც უნდა იზიარებდნენ პასუხისმგებლობას მიმდინარე მოვლენებზე, უკვე დასანქცირებულ პოლიტიკოსებთან ერთად.

ეს ბიზნესმენები, მუდმივად ხელისუფლების ძალადობას უჭერენ მხარს, ახალისებენ ქართული სახელმწიფოს მიტაცებას ჩინოვნიკების მხრიდან,

ასეთი ბიზნესმენები უნდა იყვნენ დასანქცირებული "ქართული ოცნების" პოლიტიკოსებთან ერთად.

ანალოგიურად მოხდა რუსეთში, პოლიტიკოსების დასანქცირებას, მათთან დაკავშირებული ბიზნესმენების დასანქცირება მოჰყვა.

სანამ „მონა ბიზნესმენები" ითვლებიან ქვეყანაში ყველაზე წარმატებულ ადამიანებად, ჩვენი სამშობლოს თავისუფლება და განვითარება მუდამ საფრთხის ქვეშ იქნება.

მომავალი თაობისთვის ისეთი ბიზნესმენების საქმიანობა უნდა იყოს სამაგალითო, რომლებიც ქართველი ხალხის გვერდით დგანან და მხარს უჭერენ მათ თავისუფლებისთვის ბრძოლაში.

მებრძოლ და თავისუფლებისმოყვარე ერს არ შეიძლება ჰყავდეს მონა ელიტა, არც პოლიტიკაში, არც ბიზნესში!“ - წერს დავით ჭიჭინაძე სოციალურ ქსელში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი