საბა ბუაძე - ამ ქვეყანას აქვს ერთადერთი მიმართულება, ეს არის მხოლოდ და მხოლოდ "წინ ევროპაში"

ამ ქვეყანას აქვს ერთადერთი მიმართულება, ეს არის მხოლოდ და მხოლოდ "წინ ევროპაში",-ამის შესახებ "ლელოს" ერთ-ერთმა წარმომადგენელმა, საბა ბუაძემ "ინტერპრესნიუსს" საპროტესტო აქციაზე განუცხადა.

როგორც მან აღნიშნა, ქართველი ხალხის ბრძოლა და მათი პროტესტი აუცილებლად გამარჯვებით დასრულდება.

"პროტესტი და თავისუფლებისთვის ბრძოლა არის სწორედ დამოუკიდებელი და თავისუფალი საზოგადოების მთავარი ნაყოფი. ეს თავისუფალი, მიზანდასახული ხალხია, რომელმაც ზუსტად იცის, რომ ამ ქვეყანას აქვს ერთადერთი მიმართულება, ეს არის მხოლოდ და მხოლოდ "წინ ევროპაში", იქ, სადაც არის ჩვენი კუთვნილი ისტორიული ადგილი. ამიტომაც, არ არსებობს ისეთი ძალა, რომელსაც შეუძლია დათრგუნოს ჩვენი, როგორც საზოგადოების თვითგადარენის ინსტინქტი. ამიტომ, ამ რუსულ სპეცოპერაციას დიდი დღე არ უწერია. დღეს ჩვენ აქ ვართ გაერთიანებული ძალიან დიდი სამოქალაქო პასუხისმგებლობით. ჩვენ, როგორც ამ ქვეყნის აბსოლუტური უმრავლესობა ვხედავთ, რომ უდიდესი გაერთიანება, რომელიც ქართველ ხალხში არსებობს, სწორედ ამ ევროპული და წინ მიმავალი მიზნის გარშემოა. ამ ბრძოლას უწერია ერთადერთი შედეგი, ეს არის ჩვენი უპირობო გამარჯვება იმ ბნელ ძალებზე, რასაც რუსეთი და რუსეთის სამსახურში მყოფი ხელისუფლება განასახიერებს", - განაცხადა ბუაძემ.

ცნობისთვის, "მარად და ყველგან, საქართველო მე ვარ შენთანა, ამ ლოზუნგით საპროტესტო აქციის მონაწილეები მსვლელობით ვაკის პარკისკენ მიემართებიან. ისინი "უცხოური გავლენის გამჭვირვალობის შესახებ" კანონპროექტს ეწინააღმდეგებიან და ხელისუფლებას მოუწოდებენ, არ მიიღოს.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი