ალეკო ელისაშვილი - „ქართულ ოცნებაში“ ვეტოს დაძლევით თავს განაჩენს გამოუტანენ, პოლიტიკურად ყელში დანას გამოისვამენ და ტოტს მოჭრიან, რომელზეც სხედან

ჩანს, რომ ვეტოს დაძლევას აპირებენ, ამით საკუთარ თავს განაჩენს გამოუტანენ, პოლიტიკურად თვითონვე ყელში დანას გამოისვამენ და იმ ტოტს მოჭრიან, რომელზეც სხედან,- ამის შესახებ პარტია „მოქალაქეების“ ლიდერმა, ალეკო ელისაშვილმა „უცხოური გავლენის გამჭვირვალობის შესახებ“ კანონპროექტზე და პრეზიდენტის ვეტოს საკითხზე საუბრისას განაცხადა.

როგორც ელისაშვილმა „პალიტრანიუსის“ გადაცემაში “360 გრადუსი“ აღნიშნა, თუ „ქართული ოცნება“ ვეტოს დაძლევს, ნახავენ, რატომაა ყველაზე ძლიერი ქვეყანა ამერიკის შეერთებული შტატები.

დეპუტატის თქმით, “ქართული ოცნება“ „ეფესბეს“ ინსტრუქციებით მოქმედებს.

„ხვალ თუ „ქართული ოცნება“ ვეტოს დაძლევს, ნახავენ სინამდვილეში რატომაა ყველაზე ძლიერი და საშიში ქვეყანა ამერიკის შეერთებული შტატები. ხომ უთხრეს, რომ არ მიიღო კანონი, თორემ დაისჯებითო? - ენტონი ბლინკენის ერთი განცხადების შემდეგ, ლარმა რყევა დაიწყო. ამერიკა ძლიერი იმიტომ კი არ არის, რომ კარგ ფილმებს იღებენ, ძალიან ძლიერი სპეცსამსახური ჰყავთ და სინამდვილეში, ძალიან ბრუტალური ქვეყანაა მტრების მიმართ.

მთელ მსოფლიოს გვეუბნებიან, რომ არგუმენტი არ გაქვთო: ჯოზეფ ბორელს, ოლაფ შოლცს, ემანუელ მაკრონს... ყველას გვეუბნებიან, რომ არგუმენტი არ გვაქვს, მარტო თვითონ აქვთ არგუმენტი. რატომ? - იმიტომ, რომ „ეფ-ეს-ბე“-მ უთხრა ასე გააკეთეთო. ეს არის „ეფ-ეს-ბე“ - ს ინსტრუქციებით მოქმედება“, - განაცხადა ელისაშვილმა.

ამასთან, ელისაშვილმა პრეზიდენტ სალომე ზურაბიშვილის ინიციირებულ „ქართულ ქარტიაზე“ ისაუბრა და აღნიშნა, რომ მნიშვნელოვანი ქარტიაა, რადგან ინსტიტუციური ბალანსის საშუალებას იძლევა.

„ეს ქარტია მნიშვნელოვანია, იმიტომ, რომ ის იძლევა იმის გარანტიას, რომ სასამართლო სასამართლოს დაემსგავსოს, პროკურატურა პროკურატურას და შინაგან საქმეთა სამინისტრო შინაგან საქმეთა სამინისტროს, ანუ ჩვენი დამოუკიდებლობის 30 წლის თავზე შეიქმნას ინსტიტუციური ბალანსი, რომ ვერცერთმა პარტიამ ვერ გაქაჩოს ძალაუფლება. არავის უნდა ჰქონდეს 100-პროცენტიანი მმართველობა“,- აღნიშნა ელისაშვილმა.

კითხვაზე, ყველა რეფორმის შესრულების გარანტი პრეზიდენტი უნდა იყოს თუ არა, ელისაშვილი პასუხობს, რომ დღეს სალომე ზურაბიშვილი არის მკაფიოდ გამოკვეთილი ლიდერი ინსტიტუციურადაც და პიროვნულადაც.

„მაკოორდინებელი ფუნქცია პრეზიდენტს ისედაც აქვს. დღეს, ოპოზიციაში ყველაზე გამოკვეთილი ფიგურა არის სალომე ზურაბიშვილი. მან მოახერხა, არა მხოლოდ რეაბილიტირება, არამედ დღეს არის მკაფიოდ გამოკვეთილი ლიდერი ინსტიტუციურადაც და პიროვნულადაც.

მართლა რეფერენდუმი იქნება, ან დამოუკიდებელი და ევროინტეგრაციის კურსის მქონე საქართველო, თუ რუსეთი და „ქართული ოცნება“, ძალიან მარტივი არჩევანი იქნება. ვალდებულებების გარშემო უნდა შევიკრიბოთ“,- განაცხადა ელისაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს