გიორგი ბოტკოველი უმრავლესობას - დარწმუნებული ვარ, ბევრს ებრალებით, ებრალებით მეგობრებს, ახლობლებს, მეზობლებს, ნათესავებს, მართალი გითხრათ, გვებრალებით ჩვენც, რომ რა დღეში ჩაგაგდოთ იმ ერთმა კაცმა

დარწმუნებული ვარ, რომ ბევრს ებრალებით, ებრალებით მეგობრებს, ახლობლებს, მეზობლებს, ნათესავებს, მართალი გითხრათ, გვებრალებით ჩვენც, რომ რა დღეში ჩაგაგდოთ იმ ერთმა კაცმა, - ასე მიმართა „ნაციონალური მოძრაობის“ დეპუტატმა გიორგი ბოტკოველმა უმრავლესობის წევრებს.

მისივე თქმით, მმართველმა პარტიამ ევროპული გზიდან ახლა კი არა, ჯერ კიდევ 2012 წლის პირველი ოქტომბრიდან გადაუხვია, როდესაც ხელისუფლებაში „რუსული მეთოდების გამოყენებით მოვიდა“.

„არ მგონია, რომ თქვენთან ბევრ საუბარს აზრი აქვს, ახლა უკვე საჭიროა მოქმედება და დარწმუნებული ვარ, ამ მოქმედებისთვის მზად არის ქართველი ხალხი, რომელიც აუცილებლად დაასრულებს თქვენს რუსულ მმართველობას. თქვენ ახლა კი არ გადაგიხვევიათ ევროპული გზისთვის, ევროპულ გზას გადაუხვიეთ 2012 წლის პირველ ოქტომბერს, როდესაც ტყუილებით, ბინძური და რუსული მეთოდებით მოხვედით ხელისუფლებაში. ყველა ბინძური მეთოდი გამოიყენეთ, რომ მოსულიყავით ხელისუფლებაში. სულ რაღაც რამდენიმე საათში უნდა მიიღოთ გადაწყვეტილება და მოგიწევთ თითი მიაჭიროთ ღილაკს საქართველოს წინააღმდეგ. არ არსებობს, რომ ნებისმიერ თქვენგანს ერთი "ესემესი" მაინც არ მოგსვლოდეთ, სადაც გეუბნებიან, რომ არ მიაჭიროთ ღილაკს თითი საქართველოს წინააღმდეგ. მაგრამ ეს თქვენ არ გაინტერესებთ, რადგან გადაწყვეტილი გაქვთ ეს უკვე, რაც სამწუხაროა ჩვენი ქვეყნისთვის. მე დარწმუნებული ვარ, რომ ბევრს ებრალებით, ებრალებით მეგობრებს, ახლობლებს, მეზობლებს, ნათესავებს, მართალი გითხრათ, გვებრალებით ჩვენც, რომ რა დღეში ჩაგაგდოთ იმ ერთმა კაცმა, რას დაგამსგავსათ იმ ერთმა კაცმა. მაგრამ, რასაც თქვენ სჩადიხართ, თქვენი არჩევანია, სამწუხაროდ. ეს არის ქვეყნის ღალატი, ამაზე კიდევ ერთხელ კარგად უნდა დაფიქრდეთ, მაგრამ ყველაფრის მიუხედავად, დარწმუნებული ვარ იმაში, რომ ქართველი ხალხი სწორედ დამოუკიდებლობის 33 წლისთავზე თქვენი მოშორებით ხელისუფლების სათავეებიდან, აუცილებლად განამტკიცებს ქვეყნის დამოუკიდებლობას”,- განაცხადა ბოტკოველმა, რომელსაც პარლამენტის თავმჯდომარემ შალვა პაპუაშვილმა უპასუხა „მანამდე თქვენ არაფერი გეტკინოთ“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024