საქართველოს ტექნიკურმა უნივერსიტეტმა ყვარელში საგანმანათლებლო-შემეცნებითი ღონისძიება - „ცოდნის აბრეშუმის გზა“ -  ჩაატარა

საქართველოს ტექნიკურმა უნივერსიტეტმა, სტუ-ის საჯარო მმართველობის პრობლემათა კვლევების ინსტიტუტის პროექტის ფარგლებში, საქართველოს ეროვნული ბანკის ჩართულობით, ყვარელში, საქართველოს ეროვნული ბანკის ფულის მუზეუმში საგანმანათლებლო-შემეცნებითი ღონისძიება - „ცოდნის აბრეშუმის გზა“, ჩაატარა.

ამის შესახებ ინფორმაციას სტუ ავრცელებს.

მისივე ცნობით, საგანმანათლებლო-შემეცნებით ღონისძიებაში მონაწილეობდნენ: სტუ-ის ბიზნესტექნოლოგიების ფაკულტეტის დეკანი, პროფესორმა- რუსუდან ქუთათელაძე; საჯარო მმართველობის პრობლემათა კვლევების ინსტიტუტის დირექტორი, პროფესორი მარიამ ცაცანაშვილი; ელექტრონული ბიზნესისა და საჯარო მმართველობის დეპარტამენტის ხელმძღვანელი გენადი იაშვილი; ეკონომისტი, მეცნიერი ანზორ აბრალავა. პროფესორები: ავთანდილ ადეიშვილი, ბესიკ შერაზადიშვილი. ღონისძიებაში ასევე მონაწილეობდნენ საქართველოს ეროვნული ბანკის ფულის მუზეუმის კურატორი, ისტორიის დოქტორი როლანდ სპანდერაშვილი, მუზეუმის სპეციალისტი ფილოლოგიის დოქტორი დალი აბაშიძე, საჯარო მმართველობის, ქიმიური ტექნოლოგიების და კომპიუტერული ტექნოლოგიების დოქტორანტები, სტუ-ის ტრენინგ-ჯგუფის - „ხელოვნური ინტელექტი და ადამიანის უფლებები“, მსმენელები და ზაარბრიუკენის უნივერსიტეტის პროფესორი, საჯარო მმართველობის პრობლემათა კვლევების ინსტიტუტის რეფერირების საბჭოს წევრი ვილი ჰაუზერი.

სტუ-ის ბიზნესტექნოლოგიების ფაკულტეტის დეკანის თქმით, პროექტის - „ცოდნის აბრეშუმის გზა“ მისიაა ინტელექტუალური, კულტურული და საგანმანათლებლო შესაძლებლობათა გაძლიერება, რომელიც შთაგონებულია აბრეშუმის გზის ისტორიული მემკვიდრეობით, ხოლო ღონისძიების მიზანი აბრეშუმის გზის განვითარების პერსპექტივებსა და ტრანსსასაზღვრო ურთიერთობებში, ქართული საბანკო საქმიანობის მართვის ტრადიციების ისტორიული მნიშვნელობის შესახებ ცოდნის გაზიარება.

„ცოდნის აბრეშუმის გზა“ მეტაფორული პროექტია მეცნიერული აღმოჩენების, ტექნოლოგიური მიღწევების, ფილოსოფიური იდეების, კულტურული პრაქტიკების გაცვლის, აგრეთვე, სამეცნიერო ქსელებითა და ციფრული პლატფორმებით ინტერდისციპლინური თანამშრომლობის შესახებ. მეცნიერებს, მკვლევრებს, მეწარმეებს, პოლიტიკოსებს შორის ცოდნის გაცვლა სცილდება პოლიტიკურ ბარიერებს და რთული გამოწვევების პირობებში, ინოვაციურ გადაწყვეტილებების მიღების შესაძლებლობებს აჩენს.

პროექტი - „ცოდნის აბრეშუმის გზა“, ძვ. წ. II საუკუნეში წარმოშობილ, აღმოსავლეთისა და დასავლეთის დამაკავშირებელი ტრანსკონტინენტული მარშრუტების ქსელის სიმბოლოს წარმოადგენს. თანამედროვე ეპოქაში, ეს სიმბოლო ენების, რელიგიების, ფილოსოფიების, ხელოვნების, ტრადიციების, იდეების გაცვლის, ხალხთა შორის მშვიდობის, თანამშრომლობისა და ურთიერთპატივისცემის გამძლე მემკვიდრეობად რჩება. საქართველო, როგორც ცივილიზაციათა გზაჯვარედინის კარიბჭე, ისტორიულად მნიშვნელოვან როლს ასრულებდა აბრეშუმის გზაზე, განსაკუთრებით მაშინ, როცა აღმოსავლეთ-დასავლეთის ძირითადი გზები პოლიტიკური კონფლიქტების თუ ეკონომიკური არასტაბილურობის გამო, ხშირად იბლოკებოდა. ციფრულ ეპოქაში ტექნოლოგიებისა და კომუნიკაციის პროგრესმა დააჩქარა ცოდნის გაცვლის სიხშირე, რასაც უდიდესი გავლენის მოხდენა შეუძლია როგორც საბანკო, ასევე ტექნოლოგიების სფეროში კვლევების განვითარებასა და საჯარო მმართველობის პრაქტიკაზე. ამ პირობებში, პროექტი ხელს უწყობს საქართველოს, როგორც ცივილიზაციათა გზაჯვარედინის როლის ღრმა შეფასებას, კულტურული დიპლომატიის და კულტურათაშორისი დიალოგის პლატფორმის ფორმირებას,“ - აცხადებს რუსუდან ქუთათელაძე.

სტუ-ის საჯარო მმართველობის პრობლემათა კვლევების ინსტიტუტის დირექტორის, პროფესორ მარიამ ცაცანაშვილის თქმით, ღონისძიების პროგრამა მოიცავდა პანელურ დისკუსიას ქართული ფულის დაბადების ათვლის წერტილისა და კოლხური თეთრის გაცვლითი ღირებულების შესახებ და ინტერაქციულ დისკურსს - ისტორიული და დოკუმენტური მასალის გაციფრულების და მემკვიდრეობის შენარჩუნების საქმეში ხელოვნური ინტელექტის ტექნოლოგიების დანერგვის შესახებ.

„ღონისძიების მონაწილეებმა დავგეგმეთ „ცოდნის აბრეშუმის გზის“ ერთწლიანი პროექტები, მათ შორის: საგანმანათლებლო აუთრიჩ კამპანიები აბრეშუმის გზის ისტორიული მნიშვნელობისა და მისი გავლენის შესახებ; ციფრული კავშირის ინიციატივები საგანმანათლებლო რესურსების, სამეცნიერო კვლევებისა და კულტურული მემკვიდრეობის მასალების ხელმისაწვდომობის გასაუმჯობესებლად; კულტურული დიპლომატიის ღონისძიებები, რომლებიც აღნიშნავენ აბრეშუმის გზის გაფართოებას; ხელოვნური ინტელექტით კულტურული მემკვიდრეობის დაცვის პროცესის მართვის ექსპერიმენტული კვლევები; ახალგაზრდული ფორუმები, „ვორქშოფები“ და გაცვლითი პროგრამები, რომლებიც საშუალებას მისცემს ახალგაზრდებს გახდნენ მშვიდობის, მრავალფეროვნებისა და ინტერკულტურული ურთიერთგაგების ელჩები აბრეშუმის გზის გასწვრივ; ცოდნის აბრეშუმის გზასთან დაკავშირებულ თემებზე ფუნდამენტური და გამოყენებითი კვლევითი გრანტებისათვის ქსელის შექმნა“, - აცხადებს მარიამ ცაცანაშვილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024