ირაკლი ღარიბაშვილი ოპოზიციაზე - თავმოყვარეობა აქვთ დაკარგული, ჩაანაცვლეს ბელადი ახალი ბელადით - სალომე ზურაბიშვილით - დიდ გაუგებრობაში არიან

საერთოდ რა ქარტიაზე საუბრობს ადამიანი, რომელსაც სულ რამდენიმე დღე დარჩენია პრეზიდენტობის ვადის ამოწურვამდე - ეს მისი როლია, რომელიც თავად არ შეურჩევია, განუსაზღვრეს, - ამის შესახებ „ქართული ოცნების“ თავმჯდომარემ, ირაკლი ღარიბაშვილმა ჟურნალისტებთან საქართველოს პრეზიდენტის, სალომე ზურაბიშვილის სამოქმედო გეგმა - „ქართულ ქარტიაზე” საუბრისას განაცხადა.

ღარიბაშვილის თქმით, დღეს ის ადამიანები, რომლებიც სალომე ზურაბიშვილს „რეზიდენტად“ მოიხსენიებდნენ, მის გარშემო ერთიანდებიან, შესაბამისად, ღარიბაშვილის შეფასებით, ოპოზიციას "თავმოყვარეობა დაკარგული აქვს".

როგორც ღარიბაშვილმა აღნიშნა, ოპოზიციამ თავად ჩაანაცვლა საკუთარი „ბელადი“ ახლით - სალომე ზურაბიშვილით და ახლა ისინი გაუგებრობაში არიან.

„ეს მისი [სალომე ზურაბიშვილის] როლია, რომელიც მას თავად არ შეურჩევია, არამედ განუსაზღვრეს. ჩემი გადმოსახედიდან ეს ძალიან დიდი გაუგებრობაა. საერთოდ რა ქარტიაზე საუბრობს ადამიანი, რომელსაც სულ რამდენიმე დღე დარჩენია პრეზიდენტობის ვადის ამოწურვამდე.

საზოგადოებას ერთი რამ მინდა შევახსენო, ჩვენ კარგად ვხედავთ რაც ხდება ამ ქარტიის გარშემო. ოპოზიციურ პარტიებს თავმოყვარეობა საერთოდ დაკარგული აქვთ. ის ადამიანები, რომლებიც სალომე ზურაბიშვილს „რეზიდენტად“ მოიხსენიებდნენ, დღეს მის გარშემო გაერთიანებული არიან, თავად ჩაანაცვლეს თავიანთი ბელადი ახალი ბელადით - სალომე ზურაბიშვილით და რაღაც დიდ გაუგებრობაში არიან. მე მოვისმინე მისი ეს ახალი შეთავაზება, რომ ჯერ ქართველ ხალხს და „ქართულ ოცნებას“ უნდა მოუგოს არჩევნები ამ ქაოსმა, როგორც ჩვენმა კოლეგებმა დაარქვეს - „ომის გაერთიანებებმა“ უნდა დაანგრიონ სახელმწიფო ინსტიტუტები და შემდეგ ახალ არჩევნებში შეიყვანონ ქვეყანა - რაღაც დიდ გაუგებრობაში არიან. რაც მალე შეეგუებიან რეალობას, მით უკეთესი მისთვის [სალომე ზურაბიშვილისთვის] და მის გარშემო შემოკრებილი „ლუზერისთვის“.

სამწუხაროდ, არცერთი პოლიტიკური ძალა არ არის ქვეყანაში ვინც მშვიდობას, სტაბილურობას და განვითარებას უზრუნველყოფს. მეორე მხარის, რომელიც ამ ქალბატონის გარშემო შეიკრიბა, არჩევის შემთხვევაში ქვეყანაში გარდაუვალი იქნება ქაოსი, არეულობა და ომი. ქართველმა ხალხმა გააზრებულად აირჩია მშვიდობა, სტაბილურობა და განვითარება. დღეს ხალხს მშვიდობა სჭირდება. ჩვენ უამრავი გამოწვევები გვაქვს და ჯერ კიდევ დაუძლეველი პრობლემაა ჩვენი ტერიტორიების ოკუპაცია და სხვა უამრავი პრობლემა რაზეც ფოკუსირებაა საჭირო“, - განაცხადა ირაკლი ღარიბაშვილმა.

ცნობისთვის, საქართველოს პრეზიდენტმა სალომე ზურაბიშვილმა სამოქმედო გეგმა - „ქართული ქარტია” წარადგინა და პოლიტიკურ პარტიებს მის ირგვლივ შეკრებას სთავაზობს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024