ეკა ბესელია - პრეზიდენტმა თავისი ინიციატივით, კრიზისიდან, ურთულესი სიტუაციიდან გამოსავლის ხედვა, გეგმა და მომავლის რუკა ყველას შესთავაზა, ვისთვისაც მნიშვნელოვანია საქართველოს ევროპული იდეა

პრეზიდენტმა თავისი ინიციატივით, კრიზისიდან, ურთულესი სიტუაციიდან გამოსავლის ხედვა, გეგმა და მომავლის რუკა ყველას შესთავაზა, ვისთვისაც მნიშვნელოვანია საქართველოს ევროპული იდეა - დღეს „ქართულ ქარტიაზე” ხელმოწერების პროცესი იწყება, - ამის შესახებ პარტია „სამართლიანობისთვის“ ლიდერმა, ეკა ბესელიამ ორბელიანების სასახლეში შესვლამდე ჟურნალისტებს განუცხადა.

მისივე თქმით, მიუხედავად ერთმანეთის მიმართ განსხვავებული თუ კრიზისული განწყობისა, ყველა უნდა შეუერთდეს „ქართულ ქარტიას“.

„ახლა „ქართული ქარტია“ მიმაჩნია ყველაზე მნიშვნელოვან, ერთიან სამოქმედო ხედვად და გზად, საქართველოსთვის ევროკავშირის გზაზე. ამ დოკუმენტს სჭირდება არა მხოლოდ პოლიტიკური პარტიების, პოლიტიკოსების, არამედ პირველ რიგში, ხალხის, საზოგადოების მხარდაჭერა და მე სწორედ, ამის მოლოდინი მაქვს, რადგან პრეზიდენტმა თავისი ინიციატივით, ახლა ამ კრიზისიდან, ურთულესი სიტუაციიდან გამოსავლის ხედვა, გეგმა და მომავლის რუკა ყველას შესთავაზა. დღეს ხელმოწერების პროცესი იწყება. დღეს ხელმოწერით ყველა პარტია მიუხედავად იმისა, ვინ რა პოზიციაზე იდგა და ა.შ. ერთმანეთის მიმართ განსხვავებული, თუ კრიზისული განწყობისა, ამ ქარტიას ყველა უნდა შეუერთდეს”, - განაცხადა ბესელიამ.

როგორც ბესელიამ აღნიშნა, ვინც „ქართულ ქარტიას” ხელს არ მოაწერს თავად უნდა განმარტოს ამის მიზეზები.

„ერთადერთი, რაზეც მოვისმინე ცოტა განსხვავებული კომენტარები მხოლოდ პარლამენტის დროებითობას და მთავრობის ნაწილს ეხებოდა. რეფორმებთან დაკავშირებით, იმ საკითხებთან დაკავშირებით, რომელიც ქარტიაში წერია - მართლმსაჯულების, დამოუკიდებელი ინსტიტუტები და ა.შ. არავის არცერთი კრიტიკული მოსაზრება არ ჰქონია, ამას ყველა ეთანხმება. პარლამენტის დროებითობის საკითხსაც თავისი ახსნა აქვს, პრეზიდენტმა ეს ძალიან კარგად ახსნა. ვინც ხელს არ მოაწერს, ალბათ, თავად უნდა ახსნას რას არ ეთანხმება“, - განაცხადა ბესელიამ.

საქართველოს პრეზიდენტმა სალომე ზურაბიშვილმა სამოქმედო გეგმა - „ქართული ქარტია” წარადგინა და პოლიტიკურ პარტიებს მის ირგვლივ შეჯერებას სთავაზობს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს