თინათინ ნიბლოშვილი - ქალაქებში გენდერულად მგრძნობიარე და ინკლუზიური დაგეგმარება მდგრადი განვითარების მიზნების შესრულებას ხელს უწყობს

თბილისში, სასტუმროში „პარაგრაფი თბილისი“, ორი დღის განმავლობაში ადგილობრივი ეკონომიკური განვითარების მე-14 ფორუმი­ სახელწოდებით „ჯანსაღი ქალაქი - მწვანე, ეკოლოგიურად სუფთა გარემო, მოქნილი და მდგრადი ურბანული განვითარება“ მიმდინარეობს.

ამის შესახებ ინფორმაციას თბილისის საკრებულო ავრცელებს.

მათივე ცნობით, ფორუმზე სიტყვით თბილისის საკრებულოს თავმჯდომარის მოადგილე, გენდერული თანასწორობის საბჭოს თავმჯდომარე თინათინ ნიბლოშვილი გამოვიდა, მან თბილისის მუნიციპალიტეტისა და გენდერული თანასწორობის საბჭოს გენდერულად მგრძნობიარე დაგეგმარებაზე, ასევე საზოგადოების წევრების ჩართულობასა და თანამონაწილეობით მიღებული გადაწყვეტილებების დაგეგმარების შესახებ ისაუბრა.

„გენდერული დაგეგმვის პროცესი ქალაქმგეგმარებლებს ეხმარება ჰქონდეთ მეტი ინფორმაცია სხვადასხვა ჯგუფის ყოველდღიური საჭიროების შესახებ. ვფიქრობ, თანამედროვე მიდგომების მეშვეობით მაქსიმალურად დავუახლოვდეთ სამართლიანი ქალაქის იდეას. ცხოვრების ხარისხი საცხოვრებელ სივრცეებში გულისხმობს ადამიანზე ორიენტირებულ ურბანულ დაგეგმარებას, რომელშიც მოიაზრება ნებისმიერი ასაკობრივი კატეგორიის, სქესისა თუ საჭიროების მქონე ადამიანისთვის მისაღები, გამართული ინფრასტრუქტურა, აგრეთვე ის მოიცავს სხვადასხვა ობიექტის, საგანმანათლებლო, სავაჭრო თუ ჯანდაცვის ობიექტების ახლო მანძილზე მისაწვდომობას“, - განაცხადა თინათინ ნიბლოშვილმა.

გენდერული თანასწორობის საბჭოს თავმჯდომარის მოადგილემ სიტყვით გამოსვლისას, ასევე ყურადღება გაამახვილა ბოლო წლების განმავლობაში თბილისში თანამედროვე სტანდარტების, უნივერსალური დიზაინისა და უსაფრთხოების ნორმების გათვალისწინებით მოწყობილ ასობით გამწვანებულ სივრცეზე, რომლებიც თანაბრად ხელმისაწვდომია ნებისმიერი სქესის, ასაკის თუ საჭიროების მქონე ადამიანისთვის. თინათინ ნიბლოშვილმა ამ ჭრილში საგანმანათლებლო დაწესებულებებზეც ისაუბრა და აღნიშნა, რომ დედაქალაქის სწრაფი განვითარების პარალელურად იზრდება მოთხოვნა სოციალურ ინფრასტრუქტურაზე.

„მრავალ კვლევაზე დაყრდნობით უნდა ითქვას, რომ ბავშვები სკოლასა თუ ბაღში ძირითადად დაჰყავთ ქალებს (დედას, ბებიას). ისინი ძირითად შემთხვევაში გადაადგილდებიან ფეხით ან საზოგადოებრივი ტრანსპორტით. გასათვალისწინებელია საგზაო ინფრასტრუქტურა, საზოგადოებრივი ტრანსპორტის ხელმისაწვდომობა, გარე განათება, უსაფრთხო გადასასვლელები და სხვ., რაც ჯამში ქმნის უსაფრთხო გარემოს. ქალაქებში გენდერულად მგრძნობიარე და ინკლუზიური დაგეგმარება ხელს უწყობს მდგრადი განვითარების მიზნების შესრულებას“, - განაცხადა თინათინ ნიბლოშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს