რევაზ სოხაძე იპოდრომის ტერიტორიაზე - ფონდმა „ქართუმ“ ქალაქს 40 ჰექტრამდე სარეკრეაციო სივრცე გადაურჩინა

რომ არა ფონდი „ქართუ“ დღეს იპოდრომის მთელი ტერიტორია განაშენიანებული იქნებოდა, - ამის შესახებ თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარემ, რევაზ სოხაძემ დღეს გამართულ ბრიფინგზე განაცხადა.

მისი თქმით, დედაქალაქის წარმომადგენლობითი ორგანო დღეს თამარაშვილის ქუჩაზე განაშენიანების რეგულირების გეგმის პროექტს განიხილავს, რომელსაც საკრებულოს უმრავლესობა მხარს დაუჭერს.

ამასთან, სოხაძის თქმით, აღნიშნული პროექტი საინტერესო და ქალაქისთვის მნიშვნელოვანია.

მისივე განცხადებით, იპოდრომზე, დაახლოებით 40 ჰექტარ ტერიტორიაზე, ცენტრალური პარკი გაშენდება, რომლის სამუშაოებიც უკვე მიმდინარეობს.

„დღეს საკრებულო თამარაშვილის ქუჩაზე განაშენიანების რეგულირების გეგმას განიხილავს. ოპონენტები ამბობენ, რომ ეს არის რეკრეაციული სივრცე. მე კი მინდა, მოგახსენოთ, რომ ტერიტორიას, როდესაც „ქართუ“-მ იყიდა, საზოგადოებრივ-საქმიანი ზონა ედო, რაც მაღალი ინტენსივობის მშენებლობის განხორციელებას გულისხმობს. მხოლოდ მას შემდეგ, რაც ბიძინა ივანიშვილმა აღნიშნული ტერიტორია შეიძინა, მას რეკრეაციული ზონა დაედო. რომ არა ფონდი „ქართუ“ და ბიძინა ივანიშვილი, იპოდრომის ტერიტორია ინტენსიურად განაშენიანდებოდა და ამის კონკრეტული გეგმა არსებობდა. იმდროინდელი გეგმის თანახმად, ტერიტორიაზე, სადაც დღეს ცენტრალური პარკი კეთდება, მრავალსართულიანი ნაგებობების განთავსება იგეგმებოდა. სწორედ ფონდმა „ქართუ“-მ გადაარჩინა იპოდრომის ტერიტორია განაშენიანებას“,- განაცხადა რევაზ სოხაძემ.

საკრებულოს უმრავლესობის წევრის თქმით, ოპონენტების განცხადებები იმასთან დაკავშირებით, რომ ქალაქში რეკრეაციული სივრცეების ხელყოფა ხდება -ტყუილია.

დეპუტატის თქმით, ბოლო წლების განმავლობაში, რეკრეაციული სივრცეები ასობით ჰექტარ ტერიტორიაზე მოეწყო, რაც ამ ქალაქის ისტორიაში არასდროს მომხდარა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია