დიმიტრი პესკოვი - შვეიცარიაში უკრაინის საკითხზე გამართული სამიტის ეფექტურობა ნულამდე დადის

შვეიცარიაში მშვიდობის შესახებ კონფერენციის ეფექტურობა ნულამდე დადის, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

„თუ ჩვენ ზოგადად ვსაუბრობთ ამ შეხვედრის ეფექტურობაზე, მაშინ, რა თქმა უნდა, ის ნულამდე დადის. შეიძლება იყოს სუბიექტური, ან ობიექტური მოსაზრება, მაგრამ რაიმე სახის ეფექტურობაზე საუბარი არ შეიძლება“, - განაცხადა პესკოვმა.

მისი თქმით, ღონისძიებაში მონაწილე ბევრმა ქვეყანამ მიუთითა რუსეთის დასწრების გარეშე სერიოზული განხილვის გამართვის უპერსპექტივობაზე.

პესკოვის მტკიცებით, მოსკოვი გააგრძელებს მუშაობას ყველასთან, ვინც ამისთვის მზადაა.

„ესაა ჩვენი პრეზიდენტის პოზიცია. ის კვლავ ღიაა დიალოგისთვის, სერიოზული, არსებითი და პროდუქტიული განხილვისთვის“, - დასძინა კრემლის პრესსპიკერმა.

შეგახსენებთ, შვეიცარიაში, 15-16 ივნისს უკრაინის საკითხზე მშვიდობის გლობალური სამიტი გაიმართა, რომელსაც 100-ზე მეტი ქვეყნის და ორგანიზაციის წარმომადგენელი ესწრებოდა. სამიტზე რუსეთი მიწვეული არ იყო.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო