ანტიკორუფციული ბიუროს უფროსი რაჟდენ კუპრაშვილი უზბეკეთის რესპუბლიკის ანტიკორუფციული სააგენტოს დელეგაციის წევრებს შეხვდა. ამის შესახებ ინფორმაციას ანტიკორუფციული ბიურო ავრცელებს.
მათივე ინფორმაციით, შეხვედრაზე ანტიკორუფციული ბიუროს ძირითადი მიმართულებები და სამომავლო გეგმები განიხილეს.
მხარეები სამომავლო თანამშრომლობაზე შეთანხმდნენ და ხელი ურთიერთთანამშრომლობის მემორანდუმს მოაწერეს.