„ლელოს“ ანტინარკოტიკული კამპანიის ფარგლებში, ვატო სურგულაძე ახალგაზრდებს შეხვდა

„ლელოს“ ანტინარკოტიკული კამპანიის ფარგლებში, პარტიის წევრი ვატო სურგულაძე ახალგაზრდებს შეხვდა.

შეხვედრაზე, ახალგაზრდებს გააცნეს “ლელოს” 9-გზავნილი, იმასთან დაკავშირებით, თუ როგორ აპირებს პარტია ქვეყანაში ნარკოდამოკიდებულების აღმოფხვრას.

როგორც სურგულაძემ განაცხადა, საქართველო არის ნარკოეპიდემიაში, ამიტომ ამ თემასთან დაკავშირებით გაჩუმება არ შეიძლება.

“პრაქტიკულად, მსოფლიოში არის ნარკოპანდემია. სამწუხაროდ, ნარკოპანდემია საქართველოშიც არის. ჩვენი დღევანდელი შეხვედრის მიზანი იყო, ახალგაზრდებთან ერთად წარგვედგინა ჩვენი გეგმა - რას ვაპირებთ და როგორ ვაპირებთ, როცა ხელისუფლებაში ვიქნებით.

ახალგაზრდებს ჩვენი 9-გზავნილი გავუზიარეთ და მათი აზრი მოვისმინეთ. შეიძლება, რაღაც მოსწონთ, რაღაცაში არ გვეთანხმებიან. ამიტომ, დღევანდელი შეხვედრა ემსახურებოდა იმას, რომ მოგვესმინა ახალგაზრდების მოსაზრება. ჩვენ მათ მოვუსმინეთ და ჩემი აზრით, მათ მოსაზრებებს ჩვენს გეგმაში ავსახავთ.

საქართველო არის ნარკოეპიდემიაში, ამიტომაც ამაზე გაჩუმება არ შეიძლება, იღუპება ერი. ყველა იმ ქვეყანაში, სადაც რუსეთის დომინირებაა, ნარკომანია კლავს ახალგაზრდობას და უკლავს ქვეყანას მომავალს”, - განაცხადა ვატო სურგულაძე.

როგორც GEN Z-ის კომიტეტის თავმჯდომარე, გვანცა ცანავამ აღნიშნა, პროექტში ნებისმიერ მსურველს შეუძლია ჩაერთოს. მისი თქმით, პარტია “ლელო” ნებისმიერ მსურველს დაეხმარება პრობლემის გადაჭრაში.

“დღეს, ცუდი პრობლემის წინაშე ვდგავართ, ეს არის ნარკოპოლიტიკა. პრობლემის გადასაჭრელად არ ტარდება შესაბამისი კურსები ან ტრენინგები, აქედან გამომდინარე, პარტია “ლელომ” მიიღო გადაწყვეტილება, რომ ახალგაზრდებს ამ პრობლემასთან დაკავშირებით მეტი ინფორმაცია მიაწოდოს, ასევე, დავეხმაროთ ამ პრობლემის გადასაჭრელად.

ნებისმიერ მსურველს შეუძლია ამ პროექტში ჩაერთოს, ჩვენ მათ ყველანაირ დახმარებას გავუწევთ”, - აღნიშნა გვანცა ცანავამ.

მას შემდეგ, რაც ლელოს” წევრებმა ახალგაზრდებს ანტინარკოტიკული კამპანიის ფარგლებში, პარტიის 9-გზავნილი გააცნეს, საკითხთან დაკავშირებით დისკუსია გაიმართა. დისკუსია კითხვა-პასუხის რეჟიმში მიმდინარეობდა.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა