დაღესტანში  სინაგოგას, ეკლესიას და  პოლიციის პოსტს ცეცხლი გაუხსნეს, არიან დაღუპულები

დაღესტანში, დერბენტში სინაგოგას და ეკლესიას ცეცხლი გაუხსნეს. ინფორმაციას რუსული მედია ავრცელებს.

ამავე ცნობით, შედეგად მოკლულია ერთი პოლიციელი, არის დაჭრილიც.

არსებული ინფორმაციით, ეჭვმიტანილებმა თეთრი ავტომობილით მიმალვა შეძლეს.

სოციალურ ქსელებში გავრცელებულ კადრებში ჩანს, როგორ იწვის ერთ-ერთი ნაგებობა.

ადგილზე საგამოძიებო კომიტეტის თანამშრომლები მუშაობენ.

გარდა ამისა, მახაჩყალაში უცნობი პირები პოლიციის საგუშაგოს დაესხნენ თავს.

დაღუპულია პოლიციის ერთი თანამშრომელი, დაშავდა ექვსი.

ამასთან, დაღესტნის საზოგადოებრივი მონიტორინგის კომისიის თავმჯდომარის მოადგილის შამილ ხადულაევის ინფორმაციით, თავდასხმების მსხვერპლი გახდა დერბენტში მღვდელი, ხოლო მახაჩკალაში ეკლესიის დაცვის თანამშრომელი.

„დერბენტის ეკლესიაში 66 წლის მღვდელი მოკლეს. ინფორმაცია იმის შესახებ, რომ მეორე სასულიერო პირიც მოკლეს, ამ დროისთვის არ დასტურდება“, - წერს იგი "ტელეგრამის" არხზე.

დაღესტნის საგამოძიებო კომიტეტის დეპარტამენტმა სისხლის სამართლის საქმე „ტერორისტული თავდასხმის“ მუხლით აღძრა.

დაღესტნის შინაგან საქმეთა სამინისტრომ კი განაცხადა, რომ ორი თავდამსხმელი ლიკვიდირებულია. ამასთან, დეპარტამენტის პრესსამსახურის უფროსმა არ დააკონკრეტა, კონკრეტულად, რომელ ქალაქზეა საუბარი.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო