რუსეთის საგარეო საქმეთა მინისტრი, სერგეი ლავროვი ბელარუსში ჩავიდა. ამის შესახებ ინფორმაციას რუსეთის სახელმწიფო საინფორმაციო სააგენტო TASS-ი ავრცელებს.

ბელარუსში, ორ დღიანი ვიზიტის ფარგლებში, რუსეთის საგარეო საქმეთა მინისტრი, სერგეი ლავროვი, ბელარუსის ლიდერს, ალექსანდრე ლუკაშენკოს, ბელარუს კოლეგას სერგეი ალეინიკსა და სხვა ოფიციალურ პირებს შეხვდება.

რუსეთის საგარეო საქმეთა სამინისტროს პრესსპიკერმა, მარია ზახაროვამ აღნიშნა, რომ ბელარუსში სერგეი ლავროვის ვიზიტი, ორ ქვეყანას შორის დიპლომატიური ურთიერთობების დამყარების 32 წლის იუბილეს ემთხვევა.