ნინო ლომჯარია - საქართველოს ხელისუფლება დასავლეთის მხრიდან იზოლაციაში ექცევა - ველოდები, რომ სანქციები თუ სხვა ტიპის ზეწოლის ფორმები კიდევ უფრო გაძლიერდება

არაორდინალურ, წარმოუდგინელ ვითარებაში ვართ. ეს არის რეალობა, მაგრამ ეს მოსალოდნელი იყო. ველოდები, რომ კიდევ უფრო გაძლიერდება საქართველოს ხელისუფლებაზე სანქციები თუ სხვა ტიპის ზეწოლის ფორმები, რაც უფრო დრო გავა , - ამის შესახებ ყოფილმა სახალხო დამცველმა, პლატფორმის - "საქართველოს ევროპული ორბიტა" დამფუძნებელმა ნინო ლომჯარიამ განაცხადა, რომელიც საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ჯოზეფ ბორელის განცხადებას გამოეხმაურა.

მისივე შეფასებით, საქართველოს ხელისუფლება დასავლეთის მხრიდან იზოლაციაში ექცევა.

“ჩვენ დიდი ხანია ამ რეალობაში ვცხოვრობთ, უბრალოდ, პერიოდულად ეს განცხადებები შეგვახსენებს, რამდენად მძიმეა საქართველოს რეალობა. რეალურად საქართველოს ხელისუფლება ექცევა დასავლეთის მხრიდან იზოლაციაში. ის არის ხელისუფლება, რომელსაც უკვე ღიად ხელს აღარ ართმევენ, ღიად საუბრობს დასავლეთი იმაზე, რომ აღარ შეხვდებიან, მინიმუმამდე დავა შეხვედრები საქართველოს ხელისუფლების წარმომადგენლებთან. ისინი დასავლეთის მხრიდან დასანქცირებულები არიან. არაორდინალურ, წარმოუდგინელ ვითარებაში ვართ. ეს არის რეალობა, მაგრამ ეს მოსალოდნელი იყო. ველოდები, რომ კიდევ უფრო გაძლიერდება საქართველოს ხელისუფლებაზე სანქციები თუ სხვა ტიპის ზეწოლის ფორმები, რაც უფრო დრო გავა და კიდევ მეტად ეცდება ხელისუფლება, რომ ავტორიტარულ მართველად იქცეს”, - განაცხადა ლომჯარიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი