რუსულმა ძალებმა უკრაინას წუხელ, რუსეთის ფედერაციის კურსკისა და პრიმორსკო-ახტარსკის ტერიტორიებიდან Shahed-131/136 ტიპის 32 დრონით შეუტიეს. უკრაინელებმა 32-ვე დრონი გაანადგურეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, ღამის განმავლობაში უკრაინის ცის დამცველებმა ჩამოაგდეს 32 დრონი მიკოლაივის, ოდესის, ხერსონის, დნეპროპეტროვსკის, კიევის, ჩერნიგოვისა და ჩერკასის ოლქებში.

"მადლობა ასპროცენტიანი შედეგისთვის!" - დაწერა საჰაერო ძალების სარდალმა, გენერალ-ლეიტენანტმა ნიკოლაი ოლეშჩუკმა სოციალურ ქსელში.