რუსეთის ვორონეჟის ოლქში უპილოტო საფრენი აპარატის თავდასხმის შემდეგ საწყობში, სადაც ფეთქებადსაშიში ობიექტები მდებარეობს, ხანძარი გაჩნდა, - ამის შესახებ ოლქის გუბერნატორი, ალექსანდრე გუსევი და რუსეთის ფედერაციის თავდაცვის სამინისტრო იუწყება.

გუბერნატორის თქმით, ყველა უპილოტო საფრენი აპარატი ჩამოაგდეს, მაგრამ ფრაგმენტები "ფეთქებადსაშიში ობიექტების" საწყობს დაეცა.

გავრცელებული ინფორმაციით, მოსახლეობა შესაძლო ევაკუაციის შესახებ გააფრთხილეს და ავტობუსები უკვე მომზადებული იყო.