უკრაინის დახმარების დაყოვნებამ ესკალაცია არ შეაჩერა, მაგრამ ომი გაახანგრძლივა, - ამის შესახებ აშშ-ს სენატში „რესპუბლიკელების“ ლიდერმა, მიჩ მაკკონელმა ვაშინგტონში, რეიგანის ინსტიტუტში სიტყვით გამოსვლისას განაცხადა.

„უკრაინის დახმარების დაყოვნებამ რუსეთის შემდგომ ესკალაციას ხელი არ შეუშალა. ამან მხოლოდ ის უზრუნველყო, რომ ეს საშინელი კონფლიქტი უფრო დიდხანს გაგრძელდეს და უფრო სისხლიანი იყოს “, - განაცხადა მიჩ მაკკონელმა.

ამერიკელმა სენატორმა აღნიშნა, რომ შემდგომი დახმარების დაგვიანება უკრაინას დაასუსტებს და ბრძოლის ველზე მყოფ უკრაინელებს თავის დასაცავად ახლა ინსტრუმენტები სჭირდებათ.

„თავისუფალი სამყაროს უსაფრთხოება ან ჩვენი მეგობრების გამარჯვებით გაძლიერდება, ან მათი დამარცხებით დასუსტდება“, - აღნიშნა სენატორმა.