სომხეთის საგარეო საქმეთა მინისტრი - სომხეთს აქვს პოლიტიკური ნება, რომ აზერბაიჯანთან სამშვიდობო ხელშეკრულება უმოკლეს დროში გააფორმოს

სომხეთს აქვს პოლიტიკური ნება, რომ აზერბაიჯანთან სამშვიდობო ხელშეკრულება უმოკლეს დროში გააფორმოს, - ამის შესახებ სომხეთის საგარეო საქმეთა მინისტრმა, არარატ მირზოიანმა განაცხადა.

ვაშინგტონში, სომხეთის საგარეო საქმეთა მინისტრ არარატ მირზოიანს, აზერბაიჯანის საგარეო საქმეთა მინისტრ ჯეიჰუნ ბაირამოვსა და აშშ-ის სახელმწიფო მდივან ენტონი ბლინკენს შორის სამმხრივი შეხვედრა გაიმართა.

არარატ მირზოიანმა ენტონი ბლინკენს მასპინძლობისთვის მადლობა გადაუხადა.

„სომხეთს აქვს პოლიტიკური ნება, რომ აზერბაიჯანთან სამშვიდობო ხელშეკრულება უმოკლეს დროში დაასრულოს და გააფორმოს, რომელიც მიზნად სამხრეთ კავკასიაში ხანგრძლივი მშვიდობისა და სტაბილურობის დამყარებას ისახავს“, - წერს სომხეთის საგარეო საქმეთა მინისტრი X-ზე.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო