რუსეთი ირანის მნიშვნელოვანი სტრატეგიული მოკავშირე და მეზობელია, - ამის შესახებ ირანის პრეზიდენტმა, მასუდ პეზეშკიანმა განაცხადა.

„ამ რთულ პერიოდში ჩინეთი და რუსეთი ყოველთვის მხარს გვიჭერდნენ. ჩვენ ამ მეგობრობას ვაფასებთ. რუსეთი ირანის მნიშვნელოვანი სტრატეგიული მოკავშირე და მეზობელია და ჩემი ადმინისტრაცია ჩვენი თანამშრომლობის გაფართოებისა და გაძლიერების ერთგული დარჩება“, - განაცხადა ირანის პრეზიდენტმა.

მასუდ პეზეშკიანმა აღნიშნა, რომ თეირანი უკრაინაში კონფლიქტის დასრულების ინიციატივებს მხარს აქტიურად დაუჭერს.

„ამერიკის შეერთებულმა შტატებმა რეალობა უნდა აღიაროს და ერთხელ და სამუდამოდ გაიგოს, რომ ირანი ზეწოლას არ პასუხობს და ის, რომ ირანის თავდაცვის დოქტრინა ბირთვულ იარაღს არ შეიცავს“, - აღნიშნა ირანის პრეზიდენტმა.