ტეხასში მექსიკელი ნარკობარონის შვილი დააკავეს

ტეხასში მექსიკელი ნარკობარონი „ელ მაიო“ და „ელ ჩაპოს“ ვაჟი დააკავეს, - ამის შესახებ ინფორმაციას სააგენტო Reuters-ი ამერიკელ ოფიციალურ პირებზე დაყრდნობით ავრცელებს.

Reuters-ის ცნობით, აშშ-ის გამოძიების ფედერალური ბიუროსა (FBI) და აშშ-ის ეროვნული უსაფრთხოების საგამოძიებო (HSI) სააგენტოების ერთობლივი ოპერაციის შედეგად, ტეხასში, ელ-პასოში, მექსიკელი ნარკობარონი ისმაელ „ელ მაიო“ სამბადა და მისი ყოფილი პარტნიორის ვაჟი, ხოაკინ „ელ ჩაპო“ გუსმანი დააკავეს.

სამბადა მექსიკის ისტორიაში ერთ-ერთი ყველაზე გავლენიანი ნარკომოვაჭრეა და წარსულში სინალოას კარტელი „ელ ჩაპოსთან“ ერთად დააარსა.

გუსმან ლოპესი „ელ ჩაპოს“ ოთხი ვაჟიდან ერთ-ერთია, რომელმაც სინალოას კარტელის ნაწილი მამისგან მემკვიდრეობით მიიღო. მისი ძმა, ოვიდიო გუსმანი გასულ წელს დააკავეს და მოგვიანებით, აშშ-ში მისი ექსტრადიცია განხორციელდა.