ბექა ოდიშარია - ჩვენ არასდროს გვითქვამს, რომ აშშ „გლობალური ომის პარტიას“ წარმოადგენს - კულისებიდან მოქმედებს და საკუთარი ინტერებისთვის მზად არის, ნებისმიერი ქვეყანა ფეხქვეშ გათელოს
ჩვენ არასდროს გვითქვამს, რომ აშშ „გლობალური ომის პარტიას“ წარმოადგენს, - ამის შესახებ "ქართული ოცნების" დეპუტატმა, ბექა ოდიშარიამ ჟურნალისტებთან განაცხადა.
როგორც მან აღნიშნა, „გლობალური ომის პარტია“ კულისებიდან მოქმედებს და საკუთარი ინტერებისთვის მზად არის, ნებისმიერი ქვეყანა ფეხქვეშ გათელოს.
„ქართული ოცნების“ არცერთ წევრს, არც პრემიერ-მინისტრს, არც პარლამენტის თავმჯდომარეს, არც „ქართული ოცნების“ რიგით წევრებს არასდროს მოგვიხსენიებია ერთობლივად „გლობალური ომის პარტია“ და აშშ-ის ადმინისტრაცია, ხელისუფლება და ხალხი და არც ევროკავშირის არცერთი წევრი ქვეყანა. ბუნებრივია, „გლობალური ომის პარტია“ არსებობს. ის არ შეიძლება მთლიანად ხელისუფლებას წარმოადგენდეს, მისი გავლენები არის უზარმაზარი, კოლოსალური.
საქართველო მათ ნამეტანი ეპატარავებათ და ამიტომაც უბედავდნენ ყველაფერს, რასაც უბედავდნენ ეს ორი წელიწადი, მაგრამ ყველაფერი დალაგდება. მალე რეგიონი დამშვიდდება, ომი დამთავრდება და საქართველოსთანაც აღდგება მეგობრული, ტრადიციული ურთიერთობა“, - განაცხადა ოდიშარიამ.
