საგზაო სამუშაოების გამო, პლატონ იოსელიანის ქუჩაზე ტრანსპორტის გადაადგილება შეიზღუდება.

აღნიშნულთან დაკავშირებით ინფორმაციას მერია ავრცელებს.

მათი ცნობით, საბურთალოს რაიონის გამგეობა პლატონ იოსელიანის ქუჩაზე საგზაო სამუშაოებს იწყებს. პროექტის ფარგლებში, 2 900 კვადრატულ მეტრ ფართობზე ასფალტის საფარი დაიგება.

დაგეგმილი სამუშაოების გამო, 29 ივლისის 10:00 საათიდან პლატონ იოსელიანის ქუჩაზე ტრანსპორტის მოძრაობა სრულად შეიზღუდება. ავტომობილების გადაადგილება შესაძლებელი იქნება პარალელური - ნასიძის, ბალანჩივაძისა და ჩაილურის ქუჩების მეშვეობით. პლატონ იოსელიანის ქუჩაზე საგზაო სამუშაოები ორი თვის განმავლობაში გაგრძელდება.