ტყიბულში ძიუდოში ოლიმპიური ვიცე-ჩემპიონის, ილია სულამანიძის დახვედრის ღონისძიება გაიმართა. ოლიმპიურ ვიცე-ჩემპიონს მშობლიურ ქალაქში, ადგილობრივი მოსახლეობა, მეგობრები და გულშემატკივრები სპორტის სასახლეში შეხვდნენ და გამარჯვება მიულოცეს. ილია სულამანიძე ტყიბულის ძიუდოს სკოლის აღზრდილია.

საზეიმო ღონისძიებას ძიუდოს ნაკრების მწვრთნელი ლაშა გუჯეჯიანი და ადგილობრივი ხელისუფლების წარმომადგენლები ესწრებოდნენ.