გორის მუნიციპალიტეტის პირველობა კალათბურთში 3X3 -ზე იწყება. აღნიშნულის შესახებ ინფორმაციის გორის მუნიციპალიტეტის მერია ავრცელებს.

მათივე ცნობით, გუნდების რეგისტრაცია 9 სექტემბრის ჩათვლით გრძელდება. განაცხადის ფორმა - https://shorturl.at/nqiEk

„შეჯიბრებაში გორის მუნიციპალიტეტის ადმინისტრაციული ერთეულების გუნდები იასპარეზებენ. ტურნირში მონაწილეობის უფლება აქვთ გორის მუნიციპალიტეტში რეგისტრირებულ მოქალაქეებს. ტურნირი ჩატარდება ოლიმპიური სისტემით (დებულება - https://shorturl.at/JiA5u ).

გამარჯვებული და საპრიზო ადგილზე გასული გუნდები დაჯილდოვდებიან ფულადი ჯილდოებით. I ადგილი - 1 500 ლარი, II ადგილი - 1000 ლარი, III ადგილი - 500 ლარი.

შეჯიბრების ორგანიზატორია გორის მუნიციპალიტეტის მერია და საკალათბურთო კლუბი „ივერიონი“. ტურნირი ტარდება ,,შიდა ქართლის სპორტული თამაშების“ ფარგლებში. ღონისძიება „შიდა ქართლის სპორტული თამაშები 2024“ - ის ფარგლებში ტარდება“, - აღნიშნულია გავრცელებულ ინფორმაციაში.