„ნიუ ჰოსპიტალსის“ გუნდს გიორგი გოგინაშვილი შეუერთდა
„ნიუ ჰოსპიტალსის“ ენდოსკოპიის ცენტრს ენდოსკოპიის სპეციალისტი და ზოგადი ქირურგი, გიორგი გოგინაშვილი შეუერთდა.
გიორგი გოგინაშვილს მრავალწლიანი პროფესიული გამოცდილება გააჩნია და მისი სპეციალიზაცია ენდოსკოპიურ პროცედურებსა და ზოგად ქირურგიას მოიცავს. პროფესიული განათლება მიღებული აქვს თბილისის სახელმწიფო სამედიცინო უნივერსიტეტსა და კიევის, პ.ლ. შუპიკის ნაციონალურ სამედიცინო აკადემიაში. ენდოსკოპისტი ფლობს არაერთ სერტიფიკატს ენდოსკოპიის, ზოგადი ქირურგიისა და ბავშვთა ქირურგიის მიმართულებით.
„ნიუ ჰოსპიტალსის“ ენდოსკოპიის ცენტრი აღჭურვილია უახლესი ენდოსკოპიური აპარატურით და პაციენტებს სთავაზობს კუჭ-ნაწლავის ტრაქტის და საჭმლის მომნელებელი სისტემის გამოკვლევებსა და სამკურნალო პროცედურებს, რაც თანამედროვე მიდგომებით საერთაშორისო სტანდარტების დაცვით ხორციელდება. კლინიკაში ხელმისაწვდომი პროცედურები მოიცავს სხვადასხვა ენდოსკოპიურ გამოკვლევებს, როგორიც არის გასტროსკოპია, კოლონოსკოპია და საჭმლის მომნელებელი სისტემის გამოკვლევა ენდოკაფსულით, რაც საუკეთესო შესაძლებლობაა კუჭ-ნაწლავის სისტემის რთულად გამოსაკვლევი არეების შესასწავლად.
(R)
