მარნეულის საჯარო ბიბლიოთეკაში საქართველო-ჩინეთის ერთობლივი ფორუმი ჩატარდა სახელწოდებით: „განათლება, კულტურა, ბიზნესი". ამის შესახებ ინფორმაციას მარნეულის მერიის პრესსამსახური ავრცელებს.

როგორც გავრცელებულ ინფორმაციაშია ნათქვამი, ფორუმის მიზანი იყო საქართველოსა და ჩინეთს შორის განათლებისა და კულტურის სფეროში თანამშრომლობის გაღრმავება, ასევე ბიზნესისა და სამეცნიერო ურთიერთობების განვითარება.

ფორუმზე მარნეულის მუნიციპალიტეტის მერის მოადგილემ, თემურ შუბითიძემ, ისაუბრა „აბრეშუმის გზის კულტურული ჰაბის" მნიშვნელობაზე და მის განვითარების პოტენციალზე. ასევე, მარნეულის მერიის საქმიანობაზე და რეგიონული განვითარების საკითხებზე პრეზენტაცია წარადგინა ადმინისტრაციული სამსახურის უფროსმა მამუკა შუბითიძემ.

ჩინეთის მხრიდან, სიანის ტექნიკური უნივერსიტეტის პროფესორებმა, კონგ ძიემ და ლიუ ჰიუმ, ისაუბრეს უნივერსიტეტის საერთაშორისო ინიციატივებზე, რომლებიც „სარტყლისა და გზის" ინიციატივის ფარგლებში განათლების სფეროში თანამშრომლობას ითვალისწინებს”, - ნათქვამია ინფორმაციაში.