მოვუწოდებთ საქართველოს ხელისუფლებას არჩევნების მთლიანობასა და კანონის უზენაესობას პატივი სცეს, - ამის შესახებ ევროპის საკითხებში საფრანგეთის მინისტრმა - დელეგატმა, ბენჟამინ ჰადადმა ლუქსემბურგში, ევროკავშირის ზოგად საქმეთა საბჭოს შეხვედრის დაწყებამდე განაცხადა.

„მოვუწოდებთ საქართველოს ხელისუფლებას არჩევნების მთლიანობასა და კანონის უზენაესობას პატივი სცეს. ეს ის ღირებულებებია, რომელიც ევროკავშირის საფუძველს წარმოადგენს. თუ საქართველოს ევროპული გზის გაგრძელება სურს, რისი იმედიც ჩვენ გვაქვს, რადგან ჩვენ ქართველი ხალხის ევროპულ მისწრაფებებს მხარს ვუჭერთ, ეს ფუნდამენტური ღირებულებები დაცული უნდა იყოს“, - განაცხადა ბენჟამინ ჰადადმა.

შეგახსენებთ, დღეს, ევროკავშირის ზოგად საქმეთა საბჭოს შეხვედრაზე გერმანიის დელეგაცია მოახლოებული არჩევნების ფონზე საქართველოში არსებულ ვითარებას განიხილავს. შეხვედრის დასრულების შემდეგ პრესკონფერენცია გაიმართება.