უკრაინის საგარეო საქმეთა მინისტრმა, ანდრეი სიბიგამ საერთაშორისო საზღვაო ორგანიზაციას (IMO) თხოვნით მიმართა, რომ, რუსული არმიის მხრიდან გაძლიერებული დაბომბვის ფონზე, ოდესის რეგიონის სამხრეთით მდებარე პორტებში სადამკვირვებლო მისია გაგზავნოს.

სიბიგამ ოდესაში, სკანდინავიურ-ბალტიური რვიანის (NB8) ჯგუფის შეხვედრის შემდეგ გამართულ ბრიფინგზე განაცხადა, რომ რუსეთის თავდასხმები უკრაინის პორტებზე, მარცვლეულის საცავებსა და სამოქალაქო გემებზე საფრთხეს უქმნის გლობალურ სასურსათო უსაფრთხოებას.

ცნობისთვის, რუსულმა ძალებმა 6 ოქტომბრიდან უკრაინის პორტებში ოთხი სამოქალაქო გემი დააზიანეს.