რუსეთის სახელმწიფო დუმამ რუსეთსა და ჩრდილოეთ კორეას შორის ყოვლისმომცველი სტრატეგიული პარტნიორობის შეთანხმების რატიფიცირება მოახდინა, - ამის შესახებ ინფორმაციას რუსეთის სახელმწიფო საინფორმაციო სააგენტო TASS-ი ავრცელებს.

შეთანხმების მიხედვით, თუ ერთ-ერთ მხარეს შეიარაღებული თავდასხმით დაემუქრებიან, მეორე მას სამხედრო და სხვა სახის დახმარებას დაუყოვნებლივ გაუწევს.

ცნობისთვის, ყოვლისმომცველი სტრატეგიული პარტნიორობის შესახებ შეთანხმებას მხარეებმა ხელი 2024 წლის 19 ივნისს ფხენიანში მოაწერეს. ვლადიმერ პუტინმა სახელმწიფო დუმას დოკუმენტი რატიფიცირებისთვის 14 ოქტომბერს წარუდგინა.