ბუნდესტაგის დეპუტატი - საპარლამენტო არჩევნების წინ ეთო ბუზიაშვილისა და სოფო გელავას წინააღმდეგ გამოძიების შესახებ ცნობები საგანგაშოა
საპარლამენტო არჩევნების წინ ეთო ბუზიაშვილისა და სოფო გელავას წინააღმდეგ გამოძიების შესახებ ცნობები საგანგაშოა, - ამის შესახებ გერმანიის პარლამენტის (ბუნდესტაგის) დეპუტატი, თომას ჰაკერი სოციალურ ქსელში წერს.
„საპარლამენტო არჩევნების წინ ეთო ბუზიაშვილისა და სოფო გელავას წინააღმდეგ გამოძიების შესახებ ცნობები საგანგაშოა. დეზინფორმაციასთან ბრძოლა ხელისუფლების ინტერესებში უნდა შედიოდეს. ამის ნაცვლად, სამოქალაქო საზოგადოების წარმომადგენლებს აშინებენ. როგორი სირცხვილია“, - წერს თომას ჰაკერი.
შეგახსენებთ, დღეს, ფინანსთა სამინისტროს საგამოძიებო სამსახურმა „ატლანტიკური საბჭოს“ თანამშრომლების, ეთო ბუზიაშვილისა და სოფო გელავას საცხოვრებელ სახლებში ჩხრეკა ჩაატარა.
