საქართველო გზაგასაყარზე დგას, - ამის შესახებ ევროპარლამენტარი რიჰარდს კოლსი სოციალურ ქსელში წერს.

მისი თქმით, საქართველო და ქართველი ხალხი თავისუფალ და სამართლიან არჩევნებს იმსახურებს.

“მაშინ, როდესაც საქართველო კრიტიკულად მნიშვნელოვან არჩევნებს უახლოვდება, ის გზაგასაყარზე დგას: აირჩიოს ევროპის გზა, ან რუსეთის კიდევ უფრო მეტი კონტროლის რისკის წინაშე დადგეს. შეუძლებელია ფსონები უფრო მაღალი იყოს საქართველოს დემოკრატიისა და მისი ხალხის ევროპული მომავლისკენ მისწრაფებებისთვის.

მსოფლიოს თვალები თქვენკენ არის მიპყრობილი, საქართველო და ქართველი ხალხი თავისუფალ და სამართლიან არჩევნებს იმსახურებს - ისეთს, რომელიც ქართველი ხალხის ნამდვილ ნებას ასახავს და ევროპული გზის მათ უფლებას დაიცავს” , - წერს ევროპარლამენტარი რიჰარდს კოლსი.