ძვირფასო მეგობრებო საქართველოში, თავისუფლებასა და დემოკრატიას თქვენი მხარდაჭერა სჭირდება, - ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი სოციალურ ქსელში წერს.

„ძვირფასო მეგობრებო საქართველოში, მესმის თქვენი იმედგაცრუება. მაგრამ ახლა სასოწარკვეთის ან უკან დახევის დრო არ არის. ევროკავშირმა და მთელმა მსოფლიომ უნდა გაიგოს თქვენი ხმა და დაინახოს თქვენი სახეები ქუჩებში. თავისუფლებასა და დემოკრატიას თქვენი მხარდაჭერა სჭირდება. ახლა. დარჩით მშვიდობიანად, არ შეშინდეთ და არ დანებდეთ“, - წერს მიხაილ როთი.

ამასთან მიხაილ როთი აღნიშნავს, რომ „ვისაც ორბანის მსგავსი მეგობრები ჰყავს, სრულიად დაკარგულია“.