ამერიკაში ლიდერების ახალი თაობის დროა, - ამის შესახებ აშშ-ის საპრეზიდენტო არჩევნებამდე ერთი კვირით ადრე აშშ-ის ვიცე-პრეზიდენტმა და „დემოკრატიული პარტიის“ პრეზიდენტობის კანდიდატმა, კამალა ჰარისმა კაპიტოლიუმის წინ შეკრებილ მხარდამჭერებს განუცხადა.

„ჩვენ თითის გაშვერა უნდა შევწყვიტოთ და ერთმანეთს ხელი ჩავჭიდოთ. დროა, დრამისა და კონფლიქტის ფურცელი გადავშალოთ. ამერიკაში ლიდერების ახალი თაობის დროა“, - განაცხადა კამალა ჰარისმა.

სიტყვით გამოსვლისას კამალა ჰარისმა აღნიშნა, რომ აშშ-ის ყოფილ პრეზიდენტსა და „რესპუბლიკური პარტიის“ პრეზიდენტობის კანდიდატს, დონალდ ტრამპს „შურისძიება და შეუზღუდავი ძალაუფლება“ სურს.

„ვიცით ვინ არის დონალდ ტრამპი: ადამიანი, რომელიც თითქმის ოთხი წლის წინ, ზუსტად ამ ადგილას იდგა და შეიარაღებული ბრბო კაპიტოლიუმში გაგზავნა, რათა თავისუფალ და სამართლიან არჩევნებში დაფიქსირებული ხალხის ნება შეეცვალა. არჩევნებში, რომელშიც იცოდა, რომ დამარცხდა“, - აღნიშნა კამალა ჰარისმა.